სამხრეთ ოსეთის თვითაღიარებულ რესპუბლიკაში რუსეთის პრეზიდენტის ძეგლი დაიდგა.

  • ინფორმაციას "ეხო კავკაზა" ტელეგრამ-არხზე Baeston დაყრდნობით ავრცელებს.

დეტალები: პუტინის ბრინჯაოსგან ჩამოსხმული ქანდაკება თავისუფალ ჭიდაობაში რუსეთის ნაკრების ყოფილმა მწვრთნელმა, ძამბოლატ თედეევმა მის მშობლიურ სოფელ წორბისში დადგა.

  • თედეევი სოფელს ახალგაზრდებთან ერთად ესტუმრა და მათ "ვლადიმირ ვლადიმირის ძე პუტინისა და 2008 წლის მოვლენების" შესახებ ესაუბრა.
  • 2020 წელს თედეევს ჰქონდა ინიციატივა, წორბისში იოსებ სტალინის ძეგლი დაედგათ, რომელსაც ჩრდილო ოსეთში ცნობილი სკულპტორი, იბრაგიმ ხაევი დაამზადებდა. შეცვალა თუ არა პუტინის ძეგლმა სტალინი, არ არის ცნობილი.

2011 წელს თედეევმა სცადა, მონაწილეობა მიეღო თვითგამოცხადებული სამხრეთ ოსეთის ე.წ. საპრეზიდენტო არჩევნებში. მისი კანდიდატურა არ დაარეგისტრირეს.

  • 2017 წელს პუტინმა თედეევი "მამულის წინაშე დამსახურებისთვის" მეორე ხარისხის მედლით დააჯილდოვა, 2020 წელს კი მას ალექსადრ ნეველის ორდენი მიანიჭეს.
  • თედეევმა რუსეთის ნაკრების მთავარი მწვრთნელის თანამდებობა 2022 წლის ოქტომბერში დატოვა.