საპარლამენტო უმრავლესობის მიერ ინიციირებული ცვლილებების პროექტი კანონში — მაუწყებლობის შესახებ, მესამე მოსმენით მიღებულია.

უმრავლესობიდან ინიციატორები ამბობენ, რომ ეს ცვლილება ემსახურება კანონპროექტის დახვეწას, რადგან დაარეგულირებს სიძულვილის ენას, ტერორიზმისკენ მოწოდებასა და სიძულვილის ენის შემცველ პროგრამებსა თუ რეკლამებს.

ეს რას ნიშნავს?

  • არსებითად, ამით სახელმწიფომ მედიაზე რეგულირების არეალი გაზარდა, რადგან ამიერიდან კომუნიკაციის მარეგულირებელ კომისიას მედიაპროდუქტის შინაარსის განხილვაც შეძლება, რაც აქამდე თვითრეგულირების საკითხი იყო და არ ექვემდებარებოდა სახელმწიფო რეგულაციას.

პრობლემაა, რომ:

  • "მედიის ადვოკატირების კოალიცია", რომელიც 16 ორგანიზაციას აერთიანებს, მიიჩნევს, რომ საკანონმდებლო ცვლილება მარეგულირებლის ხელში დამატებითი ძალაუფლების კონცენტრაციას ზრდის, ისევე, როგორც მისი ბოროტად გამოყენების რისკს.