ისრაელში, აშშ-ის პრეზიდენტის შემდეგ, ორდღიანი ვიზიტით, ბრიტანეთის პრემიერ-მინისტრი ჩავიდა.

  • რიში სუნაკის თვითმფრინავი თელ-ავივში სულ ცოტა ხნის წინ დაეშვა.
  • დაუნინგ-სტრიტზე აცხადებენ, რომ სუნაკის ვიზიტის ერთ-ერთი მთავარი მიზანია, დააჩქაროს ჰუმანიტარული დახმარების შეტანა ღაზის სექტორში.
  • პრემიერ-მინისტრი, ასევე, იზრუნებს, რომ ღაზაში ჩარჩენილ ბრიტანეთის მოქალაქეებს საზღვრის გადაკვეთის საშუალება მიეცეთ.

კონტექსტი: უკვე რამდენიმე დღეა, ისრაელში მსოფლიოს სხვადასხვა ქვეყნის ლიდერები ჩადიან.

  • თელ-ავივში ვიზიტად მყოფმა აშშ-ის პრეზიდენტმა გუშინ თქვა, რომ სთხოვა ისრაელის მთავრობას, დათანხმებულიყო ღაზის მშვიდობიანი მოსახლეობისთვის ჰუმანიტარული ტვირთის შეტანას.
  • მოგვიანებით, ისრაელის პრემიერ-მინისტრის ადმინისტრაციამ გაავრცელა განცხადება, სადაც ნათქვამი იყო, რომ დახმარების შეტანას ღაზის სექტორში ხელს არ შეუშლიდა.
  • ჯერ უცნობია, როდის გაიხსნება ჰუმანიტარული ტვირთისთვის დერეფანი.