მოკლედ: უკრაინის პრეზიდენტმა, ვოლოდიმირ ზელენსკიმ დაადასტურა, რომ უკრაინის არმიამ ATACMS-ის ტიპის რაკეტები გამოიყენა, რომელიც მათ აშშ-მა გადასცა.

  • "განსაკუთრებულად მადლობელი ვართ შეერთებული შტატებისა. ჩვენი შეთანხმებები პრეზიდენტ ბაიდენთან სრულდება — ATACMS-ის რაკეტებმა თავი გამოიჩინეს", - წერს ზელენსკი ტელეგრამზე.

რა შედეგი მოჰყვა ATACMS-ის რაკეტების გამოყენებას: სპეცრაზმი, რუსების მიერ ოკუპირებულ ბერდიანსკსა და ლუჰანსკში, 9 რუსული ვერტმფრენის, ანტისაჰაერო სარაკეტო სისტემისა და საბრძოლო მასალების საწყობის განადგურების შესახებ აცხადებს.

  • უკრაინის განცხადებით, ქვეყნის შეიარაღებამ, ომის დაწყების მომენტიდან ყველაზე დამანგრეველი შეტევა მიიტანა მტრის საჰაერო სამიზნეებზე.

რატომ არის მნიშვნელოვანი უკრაინისთვის ასეთი ტიპის რაკეტები:

  • ATACMS-ის რაკეტები უკრაინას აძლევს საშუალებას, შორი მანძილიდან დაარტყას სამიზნეებს ისე, რომ არ დააყენოს საფრთხის ქვეშ შეიარაღებული ძალები.
  • უკრაინას სურს, რაკეტებით კიდევ უფრო გააძლიეროს კონტრშეტევა.