თბილისის ვიცე-მერის, ლაშა აბაშიძის ინფორმაციით, ელიავაზე ძლიერი ხანძრის შედეგეად, ერთი პირია დაშავებული, რომელიც საავადმყოფოში გადაიყვანეს. აბაშიძე ამ წუთებში იმყოფება ელიავაზ ბაზრობის მიმდებარე ტერიტორიაზე, სადაც რამდენიმე საათის წინ ძლიერი ხანძარი გაჩნდა.

როგორც ლაშა აბაშიძემ რუსთავი 2-ის პირდაპირ ეთერში თქვა, ხანძარი 23 საათისთვის თითქმის ლოკალიზებულია, თუმცა, მეხანძრეები აგრძელებენ მუშაობას, რათა ხანძრის კერა ხელახლა არ აალდეს.

ადგილზე მობილიზებულნი არიან სამართალდამცავები, რომლებიც მოქალაქეებს ხანძრის კერასთან, უსაფრთხოებიდან გამომდინარე, მიახლოების საშუალებას არ აძლევენ. საკუთარი პროდუქციის გადარჩენის მიზნით, მათ ამის მცდელობა არაერთხელ ჰქონდათ.

არსებული ინფორმაციით, იწვის საბურავების, საავტომობილო ზეთებისა და ნაწილების მაღაზია. საგანგებო სიტუაციების სამსახურის ცნობით, ხანძარი, დაახლოებით, 600 კვადრატულ მეტრზე გავრცელდა.