ბოლო რამდენიმე საათია, ბერლინის პოლიცია ქალაქის სამხრეთ-დასავლეთ გარეუბანში ლომს ეძებს. პოლიციის განცხადებით, სამართალდამცავებს ლომის შესახებ ინფორმაცია ორმა ადგილობრივმა მიაწოდა. მოქალაქეებმა პოლიციის განყოფილებაში გვიან ღამით დარეკეს და განაცხადეს, რომ საცხოვრებელთან ახლოს ლომი შენიშნეს.

პოლიცია მოსახლეობას სთხოვს, რომ სახლში დარჩნენ მანამ, სანამ ცხოველს არ იპოვიან. ჯერჯერობით უცნობია, როგორ მოხვდა გარეული ცხოველი ქალაქის გარეუბანში, რადგან ადგილობრივ ზოოპარკსა და ცირკს ლომების დაკარგვის ან გაქცევის შესახებ პოლიციისთვის არ მიუმართავს.

პოლიცია ლომს გუშინ ღამიდან მოყოლებული ეძებს. ცხოველის სამძებრო სამუშაოებში 30 ავტომობილი მონაწილეობს, ახლა კი საჰაერო ძალებიც ჩაერთო. პოლიციის ოფიცრებთან ერთად ლომს მონადირეები და ვეტერინარებიც ეძებენ.

პოლიციის ოფიცრის თქმით, დიდი შანსია, ლომი ტყის იმ ნაწილში იყოს, სადაც ბერლინის მოსახლეობა ძაღლებს ასეირნებს. გარდა ამისა, ოფიცერი ფიქრობს, რომ ლომს შესაძლოა, ტყეში ეძინოს კიდეც.