რატომ არის მნიშვნელოვანი: გუშინ, 3 ივლისს ვოლოდიმირ ზელენსკიმ განკარგულება გასცა, რომ უკრაინის საგარეომ დაიბაროს საქართველოს ელჩი, 48 საათის განმავლობაში ქვეყანა დატოვოს.

  • უკრაინის პრეზიდენტის განცხადებით, საქართველოს მთავრობის ხელით რუსეთი უკრაინის მოქალაქეს კლავს.
  • ზელენკიმ აღნიშნა, რომ უკრაინამ არაერთხელ მოუწოდა ოფიციალურ თბილისს, შეწყვიტოს ეს შეურაცხყოფა და შეთანხმდნენ სააკაშვილის ქვეყანაში დაბრუნებაზე.
  • "კიდევ ერთხელ მოვუწოდებ საქართველოს ხელისუფლებას, უკრაინის მოქალაქე მიხეილ სააკაშვილი უკრაინას გადასცეს აუცილებელი მკურნალობისთვის".
  • "მოვუწოდებ ჩვენს პარტნიორებს, მოაგვარონ ეს სიტუაცია, არ უგულებელყონ საკითხი და გადაარჩინონ ეს ადამიანი. ევროპაში არცერთ მთავრობას არ აქვს სიკვდილით დასჯის უფლება, სიცოცხლე ძირითადი ევროპული ღირებულებაა".

დეტალები: დღეს ევრორეკომენდაციების შესრულების საკითხზე გამართულ პრესკონფერენციაზე კობახიძეს ზელენსკის გადაწყვეტილების შესახებ ჰკითხეს.

  • მისი თქმით, "ზოგადად, ხელისუფლების ეს პოზიცია" შეურაცხმყოფელია.
  • მისი მტკიცებით, უკრაინის ხელისუფლების კონკრეტული მაღალჩინოსნები იყვნენ ჩართული სააკაშვილის საქართველოში გამოგზავნაში და დღეს იგივე ხელისუფლება ექსპრეზიდენტის უკან დაბრუნებას ითხოვს.
  • "ეს, რა თქმა უნდა, შეიცავს შეურაცხყოფის ნიშნებს. თუმცა, ამაზე მე ღრმად არ მინდა შევიდე. ჩემი სურვილია, რომ თუნდაც ცალმხრივი მეგობრობის რეჟიმში დავრეთ უკრაინის ხელისუფლებასთან, იმიტომ, რომ ეს ქვეყანა არის დღეს ომის მდგომარეობაში", — ამბობს ის.