ამის შესახებ არასამთავრობო ორგანიზაციამ, სასამართლოს გუშაგმა დაწერა.

დეტალები: ინფორმაცია On.ge-ს იუსტიციის უმაღლეს საბჭოში დაუდასტურეს.

  • სასამართლოს გუშაგის ცნობით, ყოფილი უვადო მოსამართლე შვეიცარიის კონფედერაციაში საქართველოს საგანგებო და სრულუფლებიანი დესპანის პოზიციაზე ინიშნება.
  • სწორედ ამის გამო მან თანამდებობა პირადი განცხადების საფუძველზე დატოვა.

შოთა გეწაძე 2015 წლიდან თბილისის სააპელაციო სასამართლოს ადმინისტრაციულ საქმეთა პალატის უვადოდ დანიშნული მოსამართლე იყო;

  • 2011-2015 წლებში თბილისის საქალაქო სასამართლოს მოსამართლისა და ადმინისტრაციულ საქმეთა კოლეგიის თავმჯდომარის პოზიციას იკავებდა;
  • 2014-2016 წლებში საქართველოს ადმინისტრაციულ სამართალდარღვევათა სისტემის რეფორმის ხელშემწყობი სამთავრობო კომისიის წევრი იყო;
  • 2011-2017 წლებში საქართველოს იუსტიციის უმაღლესი საბჭოს წევრის თანამდებობას იკავებდა;
  • 2007-2009 წ.წ. საქართველოს უზენაესი სასამართლოს ადმინისტრაციულ საქმეთა პალატის სამდივნოს უფროსი იყო.