ამის შესახებ განცხადებას სოციალურ ქსელში აქვეყნებენ.

რატომ არის მნიშვნელოვანი: გუშინ, 7 მარტს პარლამენტმა რუსული კანონი პირველი მოსმენით მიიღო.

  • კენჭისყრა, პოლიტიკური დაპირისპირებისა და აქციების ფონზე მიმდინარეობდა.
  • პარლამენტთან შეკრებილები სპეცრაზმმა ძალის გამოყენებით დაშალა — გამოიყენა წყლის ჭავლი, ცრემლსადენი გაზი და წიწაკის სპრეი.

დეტალები: ინტელექტუალური კლუბის სუპერლიგის მოთამაშეების განცხადებას, რუსული კანონის დაგმობის შესახებ 390 მოთამაშე შეუერთდა.

  • მათ მიაჩნიათ, რომ საქართველოს მომავალი ევროპისა და ევრო-ატლანტიკურ სტრუქტურებში ინტეგრაციაზე გადის.
  • ამბობენ, რომ ევროინტეგრაცია საქართველოს მოსახლეობის უმრავლესობის განუხრელი სურვილია, რაც ასახულია კიდეც ქვეყნის კონსტიტუციაში.
  • "ვთვლით, რომ ე.წ. უცხოური გავლენის აგენტების კანონპროექტი აზიანებს საქართველოს ევროინტეგრაციის პროცესს, ამიტომ ვგმობთ პარლამენტის მიერ 7 მარტს მიღებულ გადაწყვეტილებას. ჩვენი არჩევანია - ევროპა", — ნათქვამია განცხადებაში.