ახალი ამბები On.ge

თამარ კორძაია

6 Mar. 2023, 11:45

ამ პარლამენტში ფორმდება საქართველოს გასაბჭოება. იურიდიული კომიტეტის თავმჯდომარე ამას ასრულებს გადასარევად. ანრი ოხანაშვილი პასუხისმგებელია იმაზე, რომ ამ სიმშვიდეში ჩვენი გამოძევებით მიიღებს კანონს, რომელიც საქართველოს დამოუკიდებლობას, არათუ დემოკრატიას, საქართველოს დამოუკიდებლობას ასამარებს. 

დღეს, ამ პოლიციურ გარემოში, სადაც წარმოუდგენელი რაოდენობის სპეცსამსახურის თანამშრომლები დგანან, ისინი იღებენ რუსულ კანონს, რომლითაც მომავალს გვართმევენ.

გააძევეს სალომე სამადაშვილი, ხათუნა სამნიძე, გიორგი ვაშაძე, ლევან ხაბეიშვილი და კიდევ ბევრი ადამიანი. დარწმუნებული ვარ, თითო-თითოდ ყველას გამოაძევებენ. რა თქმა უნდა, ძალის გამოყენებით გამოგვიყვანეს. მანდატურები დაგვაყენეს ლამის 70 თავზე.

მე არ მახსენდება საქართველოს გაყიდვის ფაქტი გასაბჭოების შემდეგ. ყველას გამოგვაძევებენ, თუ ხალხი არ მოვა და არ იტყვის თავის სიტყვას. მე გუშინ მოვუწოდე ჩემს სტუდენტებს, დღესაც მოვუწოდებ ყველას: თუ გაწუხებთ საკუთარი თავი, საკუთარი მომავალი, დღეს აქ წყდება ამ ქვეყნის ბედი. გეხვეწებით ყველას, გამოიჩინეთ პასუხისმგებლობა მომავლისა და საკუთარი ქვეყნის წინაშე. 

ოპოზიციონერმა დეპუტატმა, თამარ კორძაიამ ამის შესახებ ჟურნალისტებთან ისაუბრა. დღეს იურიდიული კომიტეტი რუსულ კანონს განიხილავს, რომელსაც უკვე დაუჭირეს მხარი საგარეო და თავდაცვის კომიტეტებმა. პარალელურად, პარლამენტთან საპროტესტო აქცია იმართება, საკანონმდებლო ორგანოში კი შესვლის შეზღუდული რეჟიმი მოქმედებს. ოპოზიციონერი დეპუტატების ნაწილს კომიტეტი დაატოვებინეს.

0 0

კომენტარები

კვირის ტოპ-5

  1. "ზურგში დანა თქვენ ჩამარტყით" — რას წერს ღარიბაშვილის მე-6 წერილში?
  2. რეგიონული განვითარების მინისტრის მოვალეობას ზაზა კვიციანი შეასრულებს
  3. "ბიძინა ივანიშვილთან შეხვედრა ჩემი ცხოვრების ყველაზე მნიშვნელოვანი შეხვედრა იყო" — რაზე ისაუბრეს?
  4. საქართველოში 17 წუთის ინტერვალით ორი მიწისძვრა მოხდა
  5. თელავში პიტბულმა პატრონი დაგლიჯა

გირჩევთ

ახლა კითხულობენ