ნაცვლიშვილი პაპუაშვილს: როგორ მოგმართოთ, ბატონო სპიკერო თუ ბატონო აგენტო

21 Feb. 2023, 13:03

როგორ მოგმართოთ, ბატონო შალვა, ბატონო სპიკერო თუ ბატონო აგენტო, როგორ გირჩევნიათ? მაშინ ყოფილი დამსახურებული აგენტი, ასე მოგმართავთ, რადგან თქვენც იმ წიაღიდან მოდიხართ, რომელსაც ახლა აგენტად გამოცხადებას უპირებთ. [...]

აქ ოჩიგავას საქმეზე რომ ლაპარაკობდით, შემთხვევით ხომ არ მოგიკითხავთ ეს საქმე ვინ მოიგო? ვინ მუშაობდა ამ საქმეზე, ისევე როგორც ნაწამები პატიმრების და დაჩაგრული ადამიანების საქმეებზე წლების განმავლობაში? ზუსტად ის ხალხი მუშაობდა, რომლებსაც თქვენ ახლა უპირებთ, უცხო ქვეყნის აგენტები დაარქვათ და შემდეგ ქუჩებში მიუქსიოთ თქვენი "ტიტუშკები". აი, ეს არის თვენი სცენარი.

თქვენ ძალიან კარგად იცით, ბატონო შალვა, რომ თითოეული თეთრი, რომელსაც არასამთავრობო ორგანიზაციები, მედიები, აქტივისტთა ჯგუფები, მოქალაქეები იღებენ საქართველოს სტრატეგიული პარტნიორებისგან, რომლებისგანაც თქვენ ბიუჯეტში იღებთ მილიონობით თანხებს, სხვათა შორის, და იგივე პარტნიორები აფინანსებენ ჩვენს თავდაცვას, ჯანდაცვას, განათლებას, გელათის რეაბილიტაციას და ა.შ.

აი, ის თანხები იხარჯება გამჭვირვალედ და როგორც დონორები, ისევე სახელმწიფო სრულ ინფორმაციას ფლობს, ვისგან მოდის ეს თანხები. შემირცხვენია იმ ქვეყნის უსაფრთხოება, რომელსაც ჰგონია, რომ მის ქვეყანაში რომელიმე ქვეყანა აგენტურულ ქსელს აბამს და იმას ელოდება, რომ აგენტი მივა და დაწერს, აგენტი ვარო. ეს შეურაცხყოფაა საქართველოს უსაფრთხოების სამსახურებისთვის, თუ ასეთი რამე ხდება და თუ გავლენების ქსელია გაბმული და უსაფრთხოების სამსახური ელოდება, ვინ როდის გამოიცხადებს თავს აგენტად.

ბოლო ამბები:

ანა ნაცვლიშვილი ნაცვლიშვილი პაპუაშვილს: როგორ მოგმართოთ, ბატონო სპიკერო თუ ბატონო აგენტო

კომენტარები

კვირის ტოპ-5

გირჩევთ

ახლა კითხულობენ

ლაშა აბისონაშვილის დედა: "როგორც გავიგე, აპირებდნენ რომ წამალი ჩაედოთ მისთვის [პაპუნა ლოცულაშვილისთვის]"