ბოლო მონაცემებით, მიწისძვრას თურქეთსა და სირიაში 1 500-ზე მეტი ადამიანი ემსხვერპლა.

დეტალები: საგარეო საქმეთა სამინისტროს განცხადებით, საქართველოს საელჩოში შევიდა ინფორმაცია მიწისძვრის შედეგად თურქეთში, ქალაქ ანთაქიაში საქართველოს მოქალაქის ნ.ზ.-ის გარდაცვალების შესახებ.

  • საქართველოს დიპლმატიური წარმომადგენლობა კავშირზეა როგორც დაღუპულის ოჯახის წევრებთან, ასევე თურქეთის შესაბამის უწყებებთან.
  • საგარეოში ამბობენ, რომ ამ ეტაპზე სხვა დაშავებულების შესახებ ინფორმაცია არ მიუღიათ.

საქართველოს საელჩოსა და გენერალურ საკონსულოებში ამოქმედებულია ცხელი ხაზი. იქ მყოფ საქართველოს მოქალაქეებს, საჭიროების შემთხვევაში შესაძლებლობა აქვთ დაუკავშირდნენ:

  • საქართველოს საელჩოს ანკარაში +905336903040; +905392208280;
  • გენერალურ საკონსულოს სტამბოლში +905418184400;
  • გენერალურ საკონსულოს ტრაპიზონში +905413262226;

საქართველოს პრემიერმინისტრი, პრეზიდენტი, საგარეო უწყება და დიპლომატიური წარმომადგენლობები ღრმა მწუხარებას გამოთქვამენ მომხდარის გამო და სოლიდარობას უცხადებენ თურქეთის მთავრობას და მოსახლეობას.

  • საქართველოდან თურქეთში სამაშველო ღონისძიებებში ჩასართავად შესაბამისი ტექნიკა და მაშველები გაიგზავნა.
  • საქართველოს ხელისუფლების ოფიციალურ განცხადებებში სირია ნახსენები არ არის.