ინფორმაციას ადგილობრივი და საერთაშორისო მედიები ოფიციალურ პირებზე დაყრდნობით ავრცელებენ.

დეტალები: თურქეთში ბოლო 100 წელზე მეტი ხნის განმავლობაში ყველაზე ძლიერი მიწისძვრის შედეგად, 2 ქვეყანაში, თურქეთსა და სირიაში 500-ზე მეტი ადამიანი დაიღუპა.

  • 7,8 მაგნიტუდის მიწისძვრა ორშაბათს, ადგილობრივი დროით დილის 4 საათზე მოხდა, ნურდაგიდან აღმოსავლეთით 23 კილომეტრში.

ნურდაგი თურქეთ-სირიის საზღვართან მდებარეობს — შედეგად ბიძგები რეგიონის რამდენიმე ქვეყანაში, მათ შორის ლიბანშიც იგრძნობოდა.

  • ვიცე-პრეზიდენტ ფუატ ოქტაის თქმით, თურქეთში სულ მცირე 284 ადამიანი დაიღუპა და 2300-ზე მეტი დაშავდა;
  • სირიის სახელმწიფო საინფორმაციო სააგენტო კი სულ მცირე 237 დაღუპულსა და 630-ზე მეტ დაშავებულზე იტყობინება.

ფოტო: Eren Bozkurt/Anadolu Agency/Getty Images

ფოტო: Omer Yildiz/Anadolu Agency/Getty Images

საქართველოს პრეზიდენტმა და პრემიერმა თურქეთსა და მის პრეზიდენტს სამძიმარი გამოუცხადეს. მათ ტვიტერ პოსტებში სირია ნახსენები არ არის.

  • "საქართველო დგას თურქი ხალხის გვერდით ამ რთულ დროს. ღრმა მწუხარებას ვუცხადებ დაღუპულთა ოჯახებს და ძალას ვუსურვებ შემთხვევის ადგილზე მყოფ პირველ მაშველებს", — დაწერა ზურაბიშვილმა.
  • "ყველა დაშავებულს სწრაფ გამოჯანმრთელებას ვუსურვებ. ჩვენ ვდგავართ თურქი ხალხის გვერდით და მზად ვართ გაგიწიოთ ნებისმიერი საჭირო დახმარება", — განაცადა სპრემიერმინისტრმა.