ქართული ოცნების თავმჯდომარე იმედის ეთერში ევროკომისიის პრეზიდენტისთვის CNN-ის ჟურნალისტის მიერ დასმულ კითხვას გამოეხმაურა.

რატომ არის მნიშვნელოვანი: CNN-ის ჟურნალისტმა აღნიშნა, რომ აკრძალული საქონელი რუსეთში მაინც აღწევს, ბოლო ცნობების მიხედვით კი, ეს განსაკუთრებით, საქართველოს გავლით ხდება.

  • წამყვანი დაინტერესდა, როგორ უნდა მოხერხდეს ის, რომ სანქციების ქვეშ მყოფმა რუსეთმა ვეღარ მიიღოს ის, რაც სჭირდება.
  • პასუხად ლაიენმა განაცხადა, რომ ხედავენ სანქციებზე გვერდის ავლის მცდელობებს და აღნიშნა, რომ ეს მიუღებელია.
  • ინტერვიუს წინ უძღოდა The New York Times-ში გამოქვეყნებული სტატია სახელწოდებით, როგორ აღწევს დასავლური საქონელი რუსეთში: სატვირთო მანქანების გრძელი რიგი საქართველოს გავლით.
  • მასალაში საუბარი იყო იმაზე, რომ საქონელი, რომლის რუსეთში გატანაც სანქციების გამო იკრძალება, იქ საქართველოდან აღწევს.

კობახიძე რუსეთ-უკრაინის ომში "საქართველოს ჩართვის მცდელობებზე" საუბრობდა და თქვა, რომ ამას სხვადასხვა ფორმითა და მეთოდებით ცდილობენ, რის შემდეგაც ერთ-ერთ ბოლო ასეთ შემთხვევად CNN-ზე ლაიენის ინტერვიუ დაასახელა.

  • მისი განცხადებით, ჟურნალისტმა ევროკომისიის პრეზიდენტს კითხვა ფეიკ სტატიაზე დაყრდნობით დაუსვა.
  • "ეს ხომ CNN-ია და არა მთავარი არხი, ნაცმოძრაობის ჯიბის ტელევიზიები, როდესაც CNN-ზე ასეთი მასშტაბის ტყუილი ჟღერდება, ეს მიუთითებს, რომ არის რაღაც სერიოზული ძალა, რომელსაც აქვს ინტერესი, რომ საქართველოს შეუქმნას ხელოვნურად პრობლემები".
  • "მიზანი ამ ხელოვნურად პრობლემების შექმნის შეიძლება იყოს ერთადერთი — ესკალაცია და ამის საბოლოო შედეგი უნდა იყოს, რა თქმა უნდა, მეორე ფრონტი".

დეტალები: პარტიის თავმჯდომარემ არგუმენტად სტატისტიკა მოიყვანა და თქვა, რომ თუ საქართველო რუსეთში სანქცირებული პროდუქტის გადასატანად გამოიყენება, მაშინ ექსპორტის მაჩვენებელი არსებითად უნდა იყოს გაზრდილი.

  • მისი განცხადებით, 33%-ით გაზრდილ ექსპორტში ყველაზე დაბალი მატება რუსეთის მიმართულებითაა.
  • "თან ეს ტყუილი CNN-ის დონეზეა — CNN-ის ჟურნალისტი ეკითხება ურსულა ფონ დერ ლაიენს. ეს არ არის ის, რომ მთავარი არხი ეკითხება ხაბეიშვილს ან ნიკანორ მელიას".
  • "საიდან ჩანს, რომ ეს არის ხელოვნური შეტევა საქართველოზე CNN-ის დონეზე ხელოვნურად გაჟღერებული — თვითონ ევროკავშირის ქვეყნები რომ ავიღოთ, მხოლოდ 7 ქვეყანაში არის შემცირებული რუსეთთან საგარეო ვაჭრობა".
  • მისივე სიტყვებით, ევროკავშირის ქვეყნებს რუსეთთან გაცხოველებული ვაჭრობა აქვთ