უკრაინის უშიშროების სამსახური ავიაკატასტროფის გამომწვევ სამ ვერსიაზე მუშაობს.

რატომ არის მნიშვნელოვანი: წინასწარი ინფორმაციით, უკრაინის ქალაქ ბროვარში ავიაკატასტროფას 17 ადამიანი, მათ შორის 3 ბავშვი ემსხვერპლა.

  • მათ შორის, ქვეყნის შს მინისტრი დენის მონასტირსკი, მინისტრის პირველი მოადგილე ევგენი იენინი და შს სამინისტროს სახელმწიფო მდივანი, იური ლუბკოვიჩი.
  • პრეზიდენტ ზელენსკის განცხადებით, ქვეყნის უშიშროების სამსახური და ეროვნული პოლიცია მომხდარის ყველა გარემოების დადგენაზე მუშაობს.

დეტალები: SBU-ს თანამშრომლები ატარებენ საგამოძიებო და ოპერატიული ღონისძიებების კომპლექსს, რათა დადგინდეს ტრაგედიის დეტალები და ყველა მიზეზ-შედეგობრივი კავშირი, ხოლო ტრაგედიის გამომწვევ მიზეზებად განიხილება:

  • ფრენის წესების დარღვევა.
  • ვერტმფრენის ტექნიკური გაუმართაობა.
  • მიზანმიმართული ქმედებები ვერტმფრენის განადგურების მიზნით.