ამის შესახებ უკრაინის პრეზიდენტის მრჩეველმა ბავშვთა უფლებებისა და რეაბილიტაციის საკითხებში დარია გერასიმჩუკმა დალოსში გამართულ მსოფლიო ეკონომიკურ ფორუმზე ისაუბრა.

რატომ არის მნიშვნელოვანი: ბავშვთა უფლებების კომისარის თქმით, დღეს ცნობილია რუსეთის ფედერაციის მიერ თითქმის 14 ათასი ბავშვის გატაცების შესახებ.

  • "ჩვენ შევძელით რუსეთის არმიის მიერ გატაცებული და დეპორტირებული თითქმის 14 000 ბავშვის მონაცემების იდენტიფიცირება და გადამოწმება და, სამწუხაროდ, შეგვიძლია ვთქვათ, რომ მათგან მხოლოდ 125-ის სახლში დაბრუნება მოვახერხეთ", — აღნიშნა გერასიმჩუკმა.
  • ომის კვლევის ინსტიტუტი წერს, რომ ბავშვებს, რომლებიც უკრაინიდან უკანონოდ გაჰყავთ, რუსეთში აშვილებენ.

ბოლო ოფიციალური მონაცემებით, უკრაინაში რუსეთის შეჭრას 459 ბავშვი ემსხვერპლა.

  • თუმცა დღეს, 18 იანვარს კიევის რეგიონში ვერტმფრენი საბავშვო ბაღთან ჩამოვარდა — არსებული ინფორმაციით, დაიღუპა, სულ მცირე, 3 ბავშვი.