ინფორმაციას უკრაინული მედიები ავრცელებენ. ცნობა დაადასტურეს ოფიციალურმა პირებმაც.

დეტალები: ვერტმფრენში, რომელიც უკრაინის ქალაქ ბროვაში ჩამოვარდა, ქვეყნის შს მინისტრი დენის მონასტირსკი მინისტრის პირველი მოადგილე, ევგენი იენინი და შს სამინისტროს სახელმწიფო მდივანი, იური ლუბკოვიჩი იმყოფებოდნენ.

  • არსებული ინფორმაციით, კატასტროფას ყველა ემსხვერპლა.
  • ვერტმფრენი საბავშვო ბაღთან ჩამოვარდა — წინასწარი ინფორმაციით, ავიაკატასტროფისას 17 ადამიანი დაიღუპა, მათ შორის, 3 ბავშვია.
  • ადგილზე ყველა შესაბამისი სამსახურია მობილიზებული და მიმდინარეობს გამოძიება.

პოლიციამ დაადასტურა, რომ ჩამოვარდნილი ვერტმფრენი საგანგებო სიტუაციების სამსახურს ეკუთვნოდა.

  • დაშავებულია 22 ადამიანი, მათგან 10 ბავშვი, ისინი საავადმყოფოში გადაიყვანეს.
  • "ჩემო კოლეგები და მეგობრები, რა ტრაგიკული დანაკარგია, სამძიმარი მათ ოჯახებს", — წერს ანტონ გერაშენკო.
  • "შეუძლებელია დაჯერება, საშინელი ტრაგედიაა, უზარმაზარი დანაკარგი", — დაწერა უკრაინის რადას თავმჯდომარემ.