შესაბამისი განცხადება რუსეთის თავდაცვის სამინისტრომ დღეს, 11 იანვარს გამოაქვეყნა.

რატომ არის მნიშვნელოვანი: თავდაცვის მინისტრმა, სერგეი შოიგუმ მეთაურად რუსეთის გენერალური შტაბის ხელმძღვანელი ვალერი გერასიმოვი დანიშნა.

  • თავდაცვის სამინისტროს განცხადებით, "სპეციალური სამხედრო ოპერაციის" ხელმძღვანელობის დონის ამაღლება დაკავშირებულია მისი განხორციელების პროცესში "გადაწყვეტილი ამოცანების მასშტაბის გაფართოებასთან".
  • გერასიმოვმა შეცვალა სერგეი სუროვიკინი, რომელიც ამ თანამდებობაზე 8 ოქტომბერს დაინიშნა.
  • სერგეი სუროვიკინი ახლა გერასიმოვის ერთ-ერთი მოადგილის მოვალეობას შეასრულებს, მის გარდა, ეყოლება კიდევ ორი მოადგილე.

ვალერი გერასიმოვი: როგორც Meduza წერს, სრულმასშტაბიანი ომის დაწყების შემდეგ, გერასიმოვი რუსეთის თავდაცვის სამინისტროს ხელმძღვანელობასთან ერთად გააკრიტიკეს ომის მომხრე ტელეგრმ არხებმა უკრაინაში რუსული არმიის მოქმედებების გამო.

  • გამოცემის ცნობით, დეკემბერში გავრცელდა ჭორები გერასიმოვის თანამდებობიდან გათავისუფლების შესახებ, მაგრამ ისინი არ დადასტურდა.
  • დაახლოებით იმავე პერიოდში გერასიმოვი პირველად გამოჩნდა საჯარო სივრცეში ხანგრძლივი შესვენების შემდეგ.

არქივიდან: 24 თებერვალს, რუსეთის უკრაინაში შეჭრის დროს, კრემს არ ჰყოლია დასახელებული კონკრეტული პირი, რომელიც უკრაინაში მყოფ რუს სამხედროებს ხელმძღვანელობდა.

  • ოქტომბერში მეთაურის დანიშვნის შემდეგ, შეიცვალა ომის მსვლელობაც — სერგეი სუროვიკინი დაკავშირებულია ახალ ტაქტიკასთან, რაც მოიცავს მასიურ დარტყმებს უკრაინის ენერგეტიკულ ინფრასტრუქტურაზე.