პაპმა ფრანცისკემ განცხადება ვატიკანში აკრედიტებულ დიპლომატებთან მის ყოველწლიურ გამოსვლაში გააკეთა.

რატომ არის მნიშვნელოვანი: ირანში სიკვდილით დასჯები მიზნად ისახავს ქვეყნის მასშტაბით მიმდინარე საპროტესტო აქციების ჩახშობას, სადაც დემონსტრანტები თეოკრატიას აპროტესტებენ.

  • არ არსებობს ზუსტი და ოფიციალური ინფორმაცია, თუ რამდენი ადამიანი დასაჯეს ირანში სიკვდილით დაუმორჩილებლობის გამო.
  • საპროტესტო აქციები ირანის თეოკრატიის ერთ-ერთ ყველაზე დიდ გამოწვევას წარმოადგენს 1979 წლის რევოლუციის შემდეგ.
  • ირანში აქციები სექტემბრის შუა რიცხვებში დაიწყო, როდესაც 22 წლის მაჰსა ამინი გარდაიცვალა, რომელიც ირანის მორალურმა პოლიციამ ისლამური რესპუბლიკის მკაცრი ჩაცმულობის კოდექსის სავარაუდო დარღვევისთვის დააპატიმრა.

პაპის თქმით, სიკვდილით დასჯა არ შეიძლება იქნას გამოყენებული, რადგან ის არ წარმოადგენს შემაკავებელ ფაქტორს, არამედ მხოლოდ შურისძიების წყურვილს აღძრავს.

  • ასევე, აღნიშნა, რომ სიკვდილით დასჯა ყოველთვის დაუშვებელია, რადგან ის არღვევს პიროვნების ღირსებას.