ამის შესახებ ორგანიზაციის გამოქვეყნებულ განცხადებაშია საუბარი.

დეტალები: სოციალურ ქსელსა და სხვადასხვა მედიასაშუალებაში გავრცელდა დაუდასტურებელი ინფორმაცია იმის შესახებ, რომ ბელგიაში მცხოვრები ქართველი ტრანსგენდერი ქალი, ლიზა ქისტაური მოკლეს.

  • თუმცა, ოჯახის წევრები და ახლობლები ინფორმაციას არ ადასტურებენ.
  • "მე ვერ ვამბობ, რომ ჩემი შვილი მკვდარია, თქვენ როგორ შეგიძლიათ?", — ამბობს ტრანსგენდერი ქალის დედა, იზა არღვლიანი რადიო თავისუფლებასთან და გავრცელებული ცნობების გამო მედიასაშუალებებს აკრიტიკებს.
  • საქართველოს საგარეო საქმეთა სამინისტროში On.ge-ს განუცხადეს, რომ საელჩოში ოფიციალური შეტყობინება არ შესულა, თუმცა ბელგიაში საქართველოს საკონსულო ადგილობრივ სამართალდამცველებთან კონტაქტზეა და სიტუაციას არკვევს.

ქარტიის განცხადებით, მნიშვნელოვანია, მედიამ საზოგადოებრივ ინტერესსა და ეთიკურ გაშუქებას შორის ბალანსი დაიცვას.

  • "მედია თანამგრძნობი უნდა იყოს ამგვარი მოვლენების მონაწილე პირების მიმართ და თავი უნდა აარიდოს პირის პირადი ცხოვრების ხელშეუხებლობის უფლების დარღვევას.
  • ქარტიის საბჭო მიიჩნევს, რომ მედიამ ოჯახის წევრებისა და ახლობლების ინტერესები უნდა გაითვალისწინოს.
  • "აუცილებელია, ახლობელი ადამიანის გარდაცვალების შემთხვევაში, მათ ამის შესახებ მედიიდან არ შეიტყონ", — ნათქვამია განცხადებაში.