პუტინმა რუსეთის კინოთეატრებს "სპეციალური ოპერაციის" შესახებ ფილმების ჩვენება დაავალა.

რატომ არის მნიშვნელოვანი: პერიოდულად, რუსეთის ხელისუფლება საბრძოლო "მორალის" ასამაღლებლად და მოსახლეობაში გაჭიანურებული "სამხედრო ოპერაციისადმი" მზარდი უკმაყოფილების გასაბათილებლად სხვადასხვა ღონისძიებებს მიმართავს.

  • რამდენიმე კვირის წინ, სამხედროებში საბრძოლო შემართების გაზრდის მიზნით, რუსეთმა ფრონტის ხაზზე ოპერის მომღერლების, საცირკო შემსრულებლებისა და მსახიობების გაგზავნა დააანონსა.
  • აგრეთვე, პუტინმა, სამშაბათს ხელი მოაწერა განკარგულებას ომში დაღუპული ეროვნული გვარდიის ჯარისკაცების ოჯახებისთვის 5 მილიონი რუბლის ($69,000 ) გადახდაზე.

დეტალები: შეკვეთილი კინოსეანსები კინოთეატრებში დოკუმენტური ფილმების ჩვენებას მოიცავს, რომელიც "ნეონაცისტური და ნეოფაშისტური იდეოლოგიის გავრცელების წინააღმდეგ ბრძოლას" მიეძღვნება.

  • კულტურის დეპარტამენტი ვალდებულია 2023 წლის 1 თებერვლამდე პატრიოტული დოკუმენტური ფილმების ფესტივალი მოაწყოს.
  • ამასთანავე, თავდაცვის სამინისტრომ რუს დოკუმენტალისტებს დახმარება უნდა გაუწიოს კინემატოგრაფიული მასალის მომზადებაში, რომელიც შეეხება უკრაინაში მებრძოლ "მამაც და გმირ" რუს ჯარისკაცებს.
  • გარდა ამისა, კულტურის და განათლების სამინისტრომ 2023 წლის 1 აპრილამდე უნდა შექმნას "საზოგადოებრივი სივრცეები, ხელოვნების ობიექტები და სასკოლო მუზეუმები" "სპეციალური ოპერაციის" მონაწილეების შესახებ.
  • ამ თემებზე გაკვეთილების ჩატარება იგეგმება რუსულ სკოლებში.