პარიის განცხადებით, სოლიდარობის აქცია თბილისში 4 იანვარს, 18:00 საათზე მშვიდობის ხიდზე გაიმართება.

რატომ არის მნიშვნელოვანი: რუსი უფლებადამცველის, მარკ ფეიგინის ინიციატივით, 4 იანვარს ყოფილი პრეზიდენტის მიხეილ სააკაშვილის მხარდასაჭერად "გლობალური აქცია" არაერთ ქვეყანაში გაიმართება.

  • ენმ-ის თავმჯდომარემ, ნიკა მელიამ 31 დეკემბერს განაცხადა რომ 4 დეკემბერს რამდენიმე ქალაქში გამართავენ აქციების და შესაბამისი ლოკაციებიც დაასახელა.
  • თუმცა დღეს, 3 დეკემბერს პარტიის ერთ-ერთმა თავმჯდომარეობის კანდიდატმა, ლევან ხაბეიშვილმა ბრიფინგზე აქციების გასამართად პარტიისგან განსხვავებული ლოკაციები გააჟღერა.

დეტალები: სწორედ ხაბეიშვილის ბრიფინგს გამოეხმაურნენ ნაციონალურ მოძრაობაში და ითქვა, რომ აქცია არა ორ არამედ 8 ლოკაციაზე ჩატარდება.

  • "გვინდა ხაზგასმით აღვნიშნოთ, რომ სოლიდარობის აქცია პარტიის მიერ 31 დეკემბერს დაიგეგმა. მათ შორის, შეირჩა ლოკაციებიც საქართველოს ყველა დიდ ქალაქში. აღნიშნულთან დაკავშირებით პოლიტსაბჭოს თავმჯდომარემ გენერალურ მდივანს ინფორმაცია მიაწოდა", — წერს ენმ.
  • პარტიაში თქვეს ისიც, რომ 8 ლოკაციიდან 3 — თელავის, გორისა და რუსთავის აქციების ორგანიზება დაევალა ლევან ხაბეიშვილის მხარდამჭერ თავმჯდომარეებს.
  • "პრეზიდენტ სააკაშვილის სიცოცხლის გადარჩენა არის ის საკითხი, რომელიც უნდა გვაერთიანებდეს და სამწუხაროა, რომ ინდივიდები მას გასახლეჩად იყენებენ", — ვკითხულობთ განცხადებაში.

კონტექსტი: ერთიანი ნაციონალური მოძრაობის წევრთა ნაწილმა 9 ნოემბერს შიდაპარტიული არჩევნები, მათ შორის, ახალი თავმჯდომარის არჩევა მითხოვა.

  • ენმ-ის თავმჯდომარეობის კანდიდატები არიან ნიკა მელია, ნონა მამულაშვილი, ლევან ხაბეიშვილი, გიორგი მუმლაძე.

  • არჩევნები 28-29 იანვარს ბლოკჩეინის სისტემით ჩატარდება.