ინფორმაციას უკრაინის გენერალური შტაბი ავრცელებს.

რატომ არის მნიშვნელოვანი: უწყების ცნობით, სადღესასწაულო დღეებში ოკუპანტებმა უკრაინაზე 35 საჰაერო დარტყმა განახორციელა, მათ შორის, შაჰიდის დრონებით. ასევე, თექვსმეტჯერ გამოიყენეს რეაქტიული სახანძრო სისტემა ხერსონის ბავშვთა საავადმყოფოზეც კი.

  • მათი განცხადებით, საავიაციო და სარაკეტო დარტყმის საფრთხე უკრაინაში რჩება, რუსები აგრძელებენ ბახმუტის თავდასხმის მცდელობებს და ცდილობენ გააუმჯობესონ თავისი ჯარების ტაქტიკური პოზიციები.
  • გენშტაბის თქმით, ზაპორიჟიეს მიმართულებით მტრის ცეცხლი 15-ზე მეტ დასახლებულ პუნქტთან დაფიქსირდა.

დეტალები: მათი განმარტებით, ხერსონის რეგიონის დროებით ოკუპირებულ ტერიტორიებზე ჰუმანიტარული სიტუაციის დესტაბილიზაციისა და ადგილობრივი მოსახლეობის ე.წ. ნებაყოფლობით ევაკუაციის იძულების მიზნით, რუსეთის საოკუპაციო ჯარები რეგიონს ბომბავს.

  • "დროებით ოკუპირებულ უკრაინულ ყირიმში სამობილიზაციო ღონისძიებები მიმდინარეობს. სამხედრო კომისიებმა დაიწყეს იმ პირთა სიების გადამოწმება, რომლებიც ჯერ არ მონაწილეობდნენ უკრაინაში მასიურ შეჭრაში და ექვემდებარებიან 2023 წლის მობილიზაციის მოწოდებას", — წერია განცხადებაში.

გენშტაბის განცხადებით, მტერი აგრძელებს სამოქალაქო დაწესებულებების გამოყენებას შეიარაღებული რუსი ოკუპანტების სამკურნალოდ.

  • როგორც უწყება წერს, ლუგანსკის რაიონში, ადგილობრივი სკოლის შენობაში, ოკუპანტებმა განალაგეს საველე ჰოსპიტალი და მკურნალობენ საოკუპაციო ძალების 100-მდე ჯარისკაცს.
  • გარდა ამისა, სამხედრო ჰოსპიტალში მკურნალობს Wagner-ის 150-ზე მეტი დაქირავებული მებრძოლი.