ფოტოები სოციალურ ქსელში კიევის პოლიციის უფროსმა, ანდრეი ნებიტოვმა გამოაქვეყნა.

რატომ არის მნიშვნელოვანი: მიუხედავად იმისა, რომ ახალი წლის ღამეს უნდა შემწყდარიყო რუსეთის მხრიდან უკრაინაზე თავდასხმა, ოკუპანტმა დღესასწაულის ღამეს კამიკაძე დრონი გამოიყენა და ასე "მიულოცა" უკრაინელ ხალხს ახალი წელი.

  • ნიბეტოვის განცხადებით, დრონი ჩამოაგდეს არა იქ, სადაც ახლა ომის ცხელი წერტილია, არამედ მოედანზე, სადაც ბავშვები თამაშობენ.

დეტალები: "აი ის, ღამის მილოცვის ნაწილი "ძმური ხალხისგან". შეიძლება ითქვას, იაფად და უგემოვნოდ! ეს არის ყველაფერი, რაც თქვენ უნდა იცოდეთ ტერორისტული სახელმწიფოსა და მისი არმიის შესახებ", — წერს ნებიტოვი.

  • კიევის პოლიციის უფროსი მადლობას უხდის საჰაერო თავდაცვის დანაყოფებს შესანიშნავი შედეგისთვის.
  • "თქვენი პროფესიული მუშაობის გარეშე დილა არც ისე კარგი იქნებოდა", — ამბობს ის.
  • უწყების ხელმძღვანელი მოქალაქეებს სთხოვს, არ უგულებელყონ საჰაერო განგაში და დროულად მიმართონ თავშესაფარს.
  • მედიის ცნობით, ახალი წლის ღამეს ქვეყნის თავზე 45 დრონი განადგურდა.