დიპლომატებისა და რატი ბრეგაძის შეხვედრა დღეს, 28 დეკემბერს იუსტიციის სამინისტროში გაიმართა.

რატომ არის მნიშვნელოვანი: სააკაშვილის ოჯახის წევრები, ექიმები და ადვოკატები ექსპრეზიდენტის ჯანმრთელობის მდგომარეობის მკვეთრ გაუარესებაზე დიდი ხანია, საუბრობენ და საზღვარგარეთ მის სამკურნალოდ გადაყვანას ითხოვენ.

  • მათი ერთ-ერთი მოთხოვნა ექსპრეზიდენტის გათავისუფლებას ან სასჯელის გადავადებაა.
  • ყოფილი პრეზიდენტის ჯანმრთელობის მდგომარეობაზე ცენტრ ემპათიის დასკვნაში ნათქვამია, რომ "მოსალოდნელია კომა და სიკვდილი".
  • სააკაშვილის სამკურნალოდ გადაყვანის თხოვნით საქართველოს ხელისუფლებას უკრაინის პრეზიდენტმა, საგარეო უწყებამ და ომბუდსმენმაც მიმართეს.
  • 12 დეკემბერს სტრასბურგში გამართულ პრესკონფერენციაზე კი ევროპარლამენტარებმა, მირიამ ლექსმანმა და ანა ფოტიგამ ქართულ ოცნებას მოუწოდეს, გათავისუფლდეს სააკაშვილი ჯანმრთელობის მდგომარეობის გამო.

დეტალები: გერმანიის ელჩის, პეტერ ფიშერის განცხადებით, შეხვედრას ევროკავშირის 15 წევრი ქვეყნისა და აშშ-ის წარმომადგენლები ესწრებოდნენ, თუმცა დამატებით დეტალებზე კომენტარი არ გაუკეთებია.

  • "შევხვდით იუსტიციის მინისტრს მიხეილ სააკაშვილის საქმესთან დაკავშირებით. განვიხილეთ მიმდინარე პროცედურები და ჯანმრთელობის საკითხი [ფორმულას თარგმანი]".