უკრაინის ენერგეტიკის მინისტრის განცხადებით, ქვეყანაში ახალი წლის ღამეს ელექტროენერგიის მიწოდება აღდგება, თუ მანამდე რუსული ძალები არ განახორციელებენ მორიგ მასობრივ შეტევას ენერგეტიკულ ინფრასტრუქტურაზე.

რატომ არის მნიშვნელოვანი: ოქტომბრიდან რუსეთმა არაერთხელ შეუტია უკრაინის კრიტიკულ ინფრასტრუქტურას, რის შედეგადაც ათობით ადამიანი დაიღუპა.

  • რუსული ენერგო ტერორის შედეგად, მილიონობით უკრაინელს ელექტროენერგია გრაფიკით ან საერთოდ არ მიეწოდება.
  • მოსკოვმა აღიარა, რომ უკრაინის ენერგეტიკული სისტემა მისი ერთ-ერთი მთავარი სამიზნეა.
  • ჟენევის კონვენციის თანახმად, სასიცოცხლო მნიშვნელობის საჯარო ინფრასტრუქტურაზე თავდასხმა სამხედრო დანაშაულს წარმოადგენს.

დეტალები: ჰალუშჩენკოს განცხადებით, "რუსები მიბმული არიან გარკვეულ თარიღებზე და შესაძლოა ახალი წელი ერთ-ერთი იმ თარიღთაგანია, როდესაც ისინი შეეცდებიან რაც შეიძლება მეტი ზიანი მიაყენონ უკრაინის ელექტროსისტემას".

  • პრემიერ-მინისტრმა დენის შმიგალმა განაცხადა, რომ რუსი ოკუპანტები ყველაფერს გააკეთებენ იმისთვის, რომ უკრაინელები ახალ წლამდე ელექტროენერგიის გარეშე დარჩნენ.
  • "მათთვის მნიშვნელოვანია, რომ უკრაინაში შობა-ახალი წელი სიბნელეში გაიაროს. ამიტომ, ჩვენ უნდა მოვემზადოთ ახალი თავდასხმებისთვის", — თქვა შმიგალმა 21 დეკემბერს.