ინფორმაცია ამის შესახებ On.ge-ის უწყებაში დაუდასტურეს.

დეტალები: ძალადობრივი, ჰომოფობიური, პრორუსული ალტ-ინფოს ყოფილმა თავმჯდომარემ, ზურა მახარაძემ გუშინ, 16 დეკემბერს თქვა, რომ პირადი ცხოვრების კადრებით აშანტაჟებდნენ, ისაუბრა პირად და ინტიმურ მიმოწერაზე

  • მახარაძე ხსნის, რომ სწორედ ამის გამო დისტანცირდა პოლიტიკისგან, თუმცა ძალადობრივ ალტ-ინფოსა და კონსერვატიულ პარტიას "ყველა ბრძოლაში გაყოლას ჰპირდება".

მახარაძემ ვრცლად ისაუბრა ამ თემაზე, თუმცა არ დაუსახელებია პირები, ვინც მას აშანტჟებდნენ.

  • "არის ასეთი გარემოება, რომ სხვა ქალთან ურთიერთობა რომ მქონდა, ვიღაცებს ხელში ჩაუვარდათ ჩემი გოგოსთან მიმოწერის კადრები, ინტიმური ურთიერთობა და ა.შ. და იყო გარკვეული შანტაჟის თემები, გამოვაქვეყნებთო და სხვა", — თქვა მახარაძემ.

ალტ-ინფო კრემლისტური ჯგუფია, რომელიც დეზინფორმაციითა და მანიპულაციებით ცდილობს დასავლეთის და დასავლური ღირებულებების დისკრეტიდაციას, მახარაძე კი წლების განმავლობაში მათი სპიკერი იყო.

  • ისინი ღიად აფიქსირებენ რუსეთის აგრესიის მხარდამჭერ პოზიციას, როგორც საქართველოში, ასევე, უკრაინაში მიმდინარე ომზე — წელს ლიდერები, მათ შორის, მახარაძე რუსეთში იყვნენ ჩასული და კრემლის წინ პოზირებდნენ.
  • ალტ-ინფომ 5-6 ივლისის ჰომოფობიური აქცია დააორგანიზა, სადაც ათეულობით ჟურნალისტსა და აქტივისტზე იძალადეს. მოძალადეების ნაცემი ოპერატორი, ლექსო ლაშქარავა რამდენიმე დღეში გარდაიცვალა.
  • ზურა მახარაძე ერთ-ერთია, ვინც 5 ივლისს მხარდამჭერებს ძალადობისკენ მოუწოდებდა, თუმცა არც ის და არც სხვა ორგანიზატორები არ დასჯილან.
  • ომბუდსმენი მახარაძისა და სპირიდონ ცქიფურიშვილის მიმართ სისხლისსამართლებრივი დევნის დაწყებას ითხოვდა.