განცხადებას უკრაინის საგარეო საქმეთა სამინისტრო აქვეყნებს.

რატომ არის მნიშვნელოვანი: 14 დეკემბერს, მას შემდეგ, რაც ექსპრეზიდენტი საკუთარ სასამართლო პროცესზე არ ჩართეს და მიზეზად ტექნიკური პირობების არარსებობა დაასახელეს, პენიტენციურმა სამსახურმა დამონტაჟებული კადრები გაასაჯაროვა, რომელიც კლინიკა ვივამედში, მიხეილ სააკაშვილის პალატაშია გადაღებული.

  • კადრები აგვისტოდან დეკემბრის ჩათვლით თარიღდება და უხმოდ და უკონტექსტოდ არის შეკრული. 10-წუთიანი ვიდეოდან ბოლო პერიოდის კადრებს, რომლებიც სააკაშვილის ახლანდელ მდგომარეობას ასახავს, ყველაზე ნაკლები დრო, 19 წამი ეთმობა. ნაწილზე კი თარიღი საერთოდ არ ჩანს.
  • ვიდეომასალის გამოქვეყნებას წინ უძღოდა იუსტიციის მინისტრის, რატი ბრეგაძის მუქარა, რომ, თუ "სიმულაციური ქმედებები" არ შეწყდებოდა, გაასაჯაროებდნენ მტკიცებულებებს.

დეტალები: სამინისტრო ღრმა შეშფოთებას გამოთქვამს სააკაშვილის, როგორც უკრაინის მოქალაქის ჯანმრთელობის გაუარესების გამო.

  • მოუწოდებს ქართულ მხარეს, გაუწიონ ექსპრეზიდენტს სათანადო სამედიცინო დახმარება.
  • ასევე, დააკმაყოფილონ სააკაშვილის სასჯელის გადავადების მოთხოვნა, რადგან სამკურნალოდ ევროპულ ან ამერიკულ კლინიკაში იქნეს გადაყვანილი.

გარდა ამისა, მიმართავს საქართველოს ხელისუფლებას, სააკაშვილს მისცენ წვდომა უკრაინის რადას ადამიანის უფლებათა უმაღლეს კომისართან.

  • "უკრაინა გააგრძელებს საქართველოს ტერიტორიაზე მყოფი უკრაინის მოქალაქეების კანონიერი უფლებებისა და ინტერესების დაცვას, კერძოდ, უკრაინის მოქალაქის, მიხეილ სააკაშვილის, რომელიც უნდა გათავისუფლდეს.