მიხეილ სააკაშვილის ადვოკატმა ამის შესახებ ჟურნალისტებთან ისაუბრა.

რატომ არის მნიშვნელოვანი: გუშინ პენიტენციურმა სამსახურმა ყოფილი პრეზიდენტის დამონტაჟებული კადრები გაასაჯაროვა, რომელიც კლინიკა ვივამედშია გადაღებული.

  • ვიდეომასალის გამოქვეყნებას წინ უძღოდა იუსტიციის მინისტრის, რატი ბრეგაძის მუქარა, რომ, თუ "სიმულაციური ქმედებები" არ შეწყდებოდა, გაასაჯაროებდნენ მტკიცებულებებს.
  • ძალვა ხაჭაპურიძე ყოფილი პრეზიდენტის კადრების გამოქვეყნებას გუშინ გამოეხმაურა და თქვა, რომ ეს სისხლის სამართლის დანაშაულია.
  • პერსონალურ მონაცემთა დაცვის სამსახურმა სააკაშვილის კადრების გავრცელებაზე შესწავლა დაიწყო.

დეტალები: შალვა ხაჭაპურიძის განცხადებით, ქვეყანაში არაფერი იცვლება, ბრძოლა სააკაშვილის წინააღმდეგ საბჭოთა მეთოდებით გრძელდება.

  • "რა თქმა უნდა, კანონი იქნა პერსონალურ მონაცემთა შესახებ დარღვეული გუშინ. ერთის მხრივ, იუსტიციის მინისტრის და სამინისტროს მხრიდან და მეორეს მხრივ, პენიტენციური სამსახურის მხრიდან, როდესაც მოიტყუა აბსოლუტურად პროცესზე იმათმა წარმომადგენელმა თითქოს, რომ რაღაც ორგანიზება ვერ გაუკეთეს მის ვიდეოჩართვას", — თქვა ხაჭაპურიძემ.
  • ადვოკატი ამბობს, რომ გუშინ სასამართლო პროცესის ჩაშლა გამიზნული იყო, რომ შემდეგ კადრები გაევრცელებინათ.
  • "მოუწევთ სააკაშვილის მაინც ჩართვა და რაღაცნაირად უნდა შეანელონ ეფექტი, რასაც საზოგადოება ნახავს", — თქვა ხაჭაპურიძემ.