უწყება ინფორმაციას ფეისბუქზე ავრცელებს.

რატომ არის მნიშვნელოვანი: გუშინ პენიტენციურმა სამსახურმა დამონტაჟებული კადრები გაასაჯაროვა, რომელიც კლინიკა ვივამედში, მიხეილ სააკაშვილის პალატაშია გადაღებული.

  • ვიდეომასალის გამოქვეყნებას წინ უძღოდა იუსტიციის მინისტრის, რატი ბრეგაძის მუქარა, რომ, თუ "სიმულაციური ქმედებები" არ შეწყდებოდა, გაასაჯაროებდნენ მტკიცებულებებს.
  • პენიტენციურმა ყოფილი პრეზიდენტის ვიდეოჩანაწერები აქამდეც გაავრცელა, რაზეც სახელმწიფო ინსპექტორის სამსახურმა იუსტიციის სამინისტრო და პენიტენციური სამსახური დააჯარიმა და მათი წაშლა დაავალა.

დეტალები: პერსონალურ მონაცემთა დაცვის სამსახურის განცხადებით, ისინი საკითხს კანონით დადგენილ ვადაში შეისწავლიან და შედეგების შესახებ საზოგადოებას აცნობებენ.

  • კადრებს მალევე გამოეხმაურა იუსტიციის მინისტრი და თქვა, რომ ვიდეოჩანაწერები ლეგიტიმური მიზნით გამოაქვეყნეს, რათა არ დაზიანდეს სახელმწიფო იმიჯი.
  • მიხეილ სააკაშვილის ადვოკატი, შალვა ხაჭაპურიძე ამბობს, რომ უწყების ქმედებას სამართლებრივი შეფასება უნდა მიეცეს.
  • "შეუიარაღებელი თვალითაც კი ჩანს, რომ არის მონტაჟი, ზაფხულის პერიოდი, შემოდგომის პერიოდი, ზამთრის პერიოდი შეერთებულია და წარმოჩენილია იმ რაკურსით და იმ მდგომარეობით, როგორიც ხელისუფლებას აწყობდა", — თქვა ხაჭაპურიძემ.