ამის შესახებ გერმანიაში უკრაინის ელჩმა, ალექსეი მაკეევმა Welt am Sonntag-თან ინტერვიუში ისაუბრა.

რატომ არის მნიშვნელოვანი: ელჩს არ დაუკონკრეტებია, თუ რა ტიპის იარაღზეა საუბარი, და აღნიშნა, რომ ამას ქვეყნები ერთობლივად გამოაცხადებენ.

  • მისივე თქმით, უკრაინის შეიარაღებულ ძალებს ფრონტის ხაზზე სასწრაფოდ ესაჭიროებათ დამატებითი საჰაერო თავდაცვის სისტემები, თვითმავალი ჰაუბიცები, საზენიტო იარაღები და სხვა.

დეტალები: მაკეევმა დასძინა, რომ მიმდინარეობს მოლაპარაკებები ქვეითთა საბრძოლო მანქანებსა და ტანკების მიწოდებაზეც, თუმცა გადაწყვეტილება გერმანიის მთავრობაზეა.

  • მანვე აღნიშნა, რომ უკრაინა შოლცის მთავრობისგან კონკრეტულ წინადადებებსა და თხოვნებზე უფრო სწრაფ მოქმედებასა და რეაგირებას ითხოვს და დაამატა, რომ აქ დადებითი ტენდენციასაც ხედავს.
  • მისი თქმით, გერმანიამ უკვე გაიგო, რომ ეს ომი მასაც ეხება.
  • "რუსეთმა, ასევე, დაარტყა უშუალოდ გერმანიასაც — ენერგიის ფასების გაზრდიდან დაწყებული, უკრაინელი ლტოლვილებით დამთავრებული, რომლებზეც უნდა იზრუნონ".