PayBox, პირველი სწრაფი ჩარიცხვის აპარატია საქართველოში, რომელიც ბაზარზე 15 წლის წინ შემოვიდა და დღემდე, ერთ-ერთი ყველაზე მოთხოვნად მომსახურებად რჩება. ამ დროის განმავლობაში, PayBox-ის სერვისები გაფართოვდა და მობილური ბალანსის შევსებიდან, 1000-მდე სხვადასხვა სახის ფინანსურ ოპერაციამდე გაიზარდა — მათ შორისაა კომუნალური მომსახურებები, ტრანსპორტი, ნებისმიერი საბანკო ანგარიშის შევსება და მრავალი სხვა.

ეს არის ბრენდი, რომლის მთავარი ღირებულებები ტექნოლოგიურობა, სიმარტივე და დაცულობაა. სწორედ ამიტომ, PayBox-მა, მრავალფეროვან სერვისებსა და ტექნოლოგიურ შეთავაზებებს კიდევ ერთი — SMS ქვითარი დაამატა.

რატომ არის ეს კარგი ამბავი?

SMS ქვითარი არის:

  • მოქნილი — გადახდის შემდეგ, შეგიძლიათ ქვითარი საკუთარ მობილურში ჩამოტვირთოთ. მისი დაკარგვის ან დაზიანების ალბათობა არ არსებობს; ინფორმაციული - შეიცავს უფრო მეტ ინფორმაციას, ვიდრე დაბეჭდილი, ფიზიკური ქვითარი;
  • ეკომეგობრული — ის ამცირებს გარემოს დაბინძურების რისკებს. აღსანიშნავია, რომ სტატისტიკურად, მომხმარებლების უმეტესობა, ადგილზე ტოვებს დაბეჭდილ ქვითარს. სწორედ ეს უკანასკნელია SMS ქვითრის ერთ-ერთი მთავარი უპირატესობა: ერთი ტონა ფურცლის დამზადებას 24 ხე სჭირდება. ფურცლის მოხმარების ზრდა კი, პირდაპირ უკავშირდება ეკოლოგიურ პრობლემებს. SMS ქვითარი, პირველ რიგში, არის სიახლე, რომელიც კომპანიის პასუხისმგებლობიანი დამოკიდებულების ინდიკატორია.

სადაგის კომენტარი: „PayBox-ის სწრაფი ჩარიცხვის აპარატს, ყოველდღიურად 350,000-მდე მომხმარებელი იყენებს. ეს ნიშნავს, რომ ამ ტექნოლოგიური სიახლის დანერგვით, კომპანიას შეუძლია რეალური გავლენის მოხდენა როგორც საზოგადოებაზე, ასევე, გარემოზე. ჩვენ, სადაგი, გაერთიანებულები ვართ ერთი იდეის გარშემო, რომ საქართველოს ბუნება ყველა ჩვენგანის საერთო სიმდიდრე და ერთობლივი საზრუნავია.

ამიტომ, PayBox-ის ინიციატივა ჩვენთვის მხოლოდ სასიხარულოა. დარწმუნებულები ვართ, რომ გრძელვადიან პერიოდში, ამ ქვეყნის თითოეული მოქალაქე იგრძნობს, თუ რა მნიშვნელოვანია, პრობლემის ტექნოლოგიური გადაწყვეტა. საზოგადოებრივი ცნობიერების ამაღლება და გარემოსდაცვითი საკითხების დღის წესრიგში დაყენება ხომ ჩვენი ორგანიზაციის მთავარი მისიაა“.

SMS ქვითარი, ეტაპობრივად დაემატება PayBox-ის ჩარიცხვის აპარატებს. სულ მალე, ეკომეგობრული სერვისით სარგებლობა, მთელი საქართველოს მასშტაბით იქნება შესაძლებელი.