აქტივისტი წერს, რომ პოლიციიდან დაუკავშირდნენ და მასალებს ამ დღეებში გაეცნობა.

რატომ არის მნიშვნელოვანი: 22 ოქტომბერს ცნობილი გახდა, რომ აქტივისტის მანქანაზე საღებავით შეურაცხმყოფელი წარწერები გააკეთეს.

  • როგორც ნატა ფერაძემ On.ge-ს უთხრა, მომხდარს მის განცხადებებს უკავშირებდა —ვაკის პარკში მომხდარის შემდეგ, ის აქტიურად ითხოვდა თბილისის მერის გადადგომას.
  • "დიდი ვარაუდით, ეს მისი [კალაძის] ძველბიჭური მეთოდია. მე მასთან რა კონტაქტიც მქონია. ის არ არის პოლიტიკოსი, ის არის ძველი ბიჭი და ეს არის მისი ურთიერთობის ფორმა", — ამბობდა აქტივისტი.

სახალხო დამცველმა მოუწოდა საგამოძიებო ორგანოებს, ჩაატარონ დროული და ყოვლისმომცველი გამოძიება პასუხისმგებელ პირთა იდენტიფიცირების და მათთვის შესაბამისი პასუხისმგებლობის დაკისრების მიზნით.

  • მანვე აღნიშნა, რომ უფლებადამცველთა შეუფასებელი როლის გათვალისწინებით, საერთაშორისო დონეზე მათ დასაცავად, არაერთი გარანტიაა შექმნილი, რომლის ფარგლებშიც, სახელმწიფოს ეკისრება ვალდებულება, მათ შორის, დაიცვას აქტივისტები მესამე პირთა მხრიდან განხორციელებული თავდასხმებისგან.
  • გარდა ამისა, სახალხო დამცველმა განაცხადა, რომ უფლებადამცველთა მიმართ მტრული გარემოს შექმნას გარკვეულწილად ხელს უწყობს წლების განმავლობაში, მაღალი პოლიტიკური თანამდებობის პირების მხრიდან მათი დისკრედიტაციისკენ მიმართული განცხადებები.