ამის შესახებ ინფორმაციას პროკურატურა ავრცელებს.

რატომ არის მნიშვნელოვანი: უწყების ცნობით, 2022 წლის 27 აპრილს, თბილისში, ე.წ. დირსის დასახლებაში ურთიერთშელაპარაკებისას ბრალდებულმა ორი დანის გამოყენებით ოთხი პირი, მათ შორის, არასრულწლოვანი დაჭრა.

  • მიღებული დაზიანებებით ერთი პირი გარდაიცვალა, ხოლო სამი დაზარალებული საავადმყოფოში გადაიყვანეს.
  • პროკურატურის ინფორმაციით, მომხდარის შემდეგ ბრალდებული საცხოვრებელი კომპლექსის მიმდებარე ტერიტორიიდან ტაქსით მიიმალა, რა დროსაც მან ტაქსის მძღოლს მომხდარზე უამბო და სიცოცხლის მოსპობის მუქარით აიძულა, დანაშაულზე სამართალდამცავი ორგანოს თანამშრომლებისთვის არ მოეყოლა.

დეტალები: დაკავებულს ბრალდება სსკ-ის 19/109-ე მუხლის მეორე ნაწილის ბ და მესამე ნაწილის ა ქვეპუნქტებით (წინასწარი შეცნობით არასრულწლოვანის და ორი ან მეტი პირის განზრახ მკვლელობის მცდელობა) და 150-ე მუხლის პირველი ნაწილით (იძულება) წარედგინა.

  • თბილისის საქალაქო სასამართლომ მას 17 წლით პატიმრობა მიუსაჯა.