ამის შესახებ შალვა ხაჭაპურიძემ TV პირველთან ისაუბრა.

რატომ არის მნიშვნელოვანი: ცოტა ხსნის წინ იუსტიციის მინისტრმა, რატი ბრეგაძემ ბრიფინგი გამართა და სააკაშვილს "ნებისმიერი უცხოური კლინიკიდან ნებისმიერი ექიმის ჩამოყვანა" შესთავაზა.

  • გუშინ, 28 ნოემბერს ექსპრეზიდენტის სასამართლო პროცესი უნდა გამართულიყო, თუმცა გადაიდო.
  • ადვოკატის თქმით, მიხეილ სააკაშვილს პროცესზე დასწრება სურდა, თუმცა შემდეგ პარტიის წევრმა, ხატია დეკანოიძემ თქვა, რომ ამის საშუალება ექიმებმა ჯანმრთელობის მდგომარეობის გამო არ მისცეს.
  • მოგვიანებით, ვივამედის დირექტორმა განმარტა, რომ ექსპრეზიდენტს ნევროლოგის კონსულტაცია ჩაუტარდა, რომელმაც უარყოფითი დინამიკა აჩვენა და გადაყვანა გამართლებული არ იყო.
  • იმავე დღეს, გვიან ღამით ენმ-ის წევრმა ლევან ხაბეიშვილმა 3 დეკემბერს, 3 საათზე ქართული ოცნების ოფისთან სააკაშვილის გადაყვანის მოთხოვნით აქცია დააანონსა.

ადვოკატი ამბობს, რომ საქართველოს სისხლის სამართლის საპროცესო კოდექსი მსგავს ნორმას არ ითვალისწინებს და მისთვის გაუგებარია, რომელი მუხლითა და ნორმით ხელმძღვანელობს რატი ბრეგაძე.

  • "ამ სისტემაში ვინ ექიმი უნდა ჩამოვუყვანოთ? მაშინ ახალი კლინიკა უნდა ავაშენოთ მრავალპროფილური, ახალი აპარატურა ჩამოვიტანოთ, ბოლო-ბოლო დავაკალიბროთ ეს აპარატურა".
  • "პროცესებზე უამრავს მოისმენს ბატონი რატი სასამართლოებზე, რა ჯოჯოხეთურ მდგომარეობაშია საქართველოს ჯანდაცვის სისტემა საქართველოში ამას სჭირდება ჯადოსნური ჯოხი".

დეტალები: რაც შეეხება ემპათიის დასკვნას, ხაჭაპურიძე ამბობს, ამაზე ვერ ისაუბრებს, სანამ როგორც სააკაშვილისგან, ასევე, მისი ოჯახის წევრებისგან ნებართვას არ მიიღებს.

  • "მისი ნებართვა უკვე აღარ არის საჭირო. იქ არის დასმული ერთი დიაგნოზი, რომელიც მარტო სააკაშვილის გადასაწყვეტი აღარ არის. გადაწყვეტილება უნდა მიიღოს მისმა ოჯახის წევრმა, დედამ", — აღნიშნა მან.
  • გარდა ამისა, ამბობს, რომ თუ პარლამენტარები ამაზე საუბარს დაიწყებენ და სასამართლოს გარდა, დასკვნაში არსებულ დიაგნოზებს გაასაჯაროებენ, პერსონალური მონაცემების გაჟღერების ფაქტზე პროკურატურას მიმართავს".