როიტერსის ინფორმაციით, რუსეთმა ინდოეთს 500-ზე მეტი საჭირო პროდუქტის სია გაუგზავნა, მანქანების, თვითმფრინავების და მატარებლების ნაწილების ჩათვლით.

რატომ არის მნიშვნელოვანი: უკრაინაში შეჭრის გამო დაწესებულმა დასავლეთის სანქციებმა რუსეთში მნიშვნელოვანი პროდუქტების მიწოდება შეაფერხა.

  • პრემიერმინისტრ ნარენდრა მოდის მთავრობა არ შეუერთდა დასავლეთის ქვეყნების სანქციებს და მკვეთრად გაზარდა რუსული ნავთობის შესყიდვები, რამაც რუსეთს გარკვეულწილად სანქციების გავლენა შეუმსუბუქა .
  • მოსკოვში ვიზიტის დროს ჯაიშანკარმა თქვა, რომ ინდოეთს სჭირდება რუსეთში ექსპორტის გაზრდა, რათა დააბალანსოს ორმხრივი ვაჭრობა.

დეტალები: ინდოეთის მთავრობის განცხადებით, რუსეთის მოთხოვნათა სია უჩვეულოდ მოცულობითია.

  • ზოგიერთმა კომპანიამ გამოთქვა შეშფოთება, რომ ინდოეთის მიერ რუსეთის მოთხოვნილი ნივთებით მომარაგება დასავლეთის სანქციების დარღვევას ნიშნავს.

ამასთანავე, როიტერსის წყაროს ცნობით, რუსეთის მრეწველობისა და ვაჭრობის სამინისტრომ სთხოვა მსხვილ კომპანიებს მიეწოდებინათ მათთვოს საჭირო ნედლეულისა და აღჭურვილობის სიები.

  • წყარომ დასძინა, რომ დამატებითი დისკუსია საჭირო იქნება სპეციფიკაციებისა და მოცულობების შესათანხმებლად და რომ მოთხოვნები არ შემოიფარგლება მხოლოდ ინდოეთისთვის დახმარების თხოვნით.
  • ინდური წყაროების ცნობით, რუსეთის მოთხოვნა ინდოეთის საგარეო საქმეთა მინისტრის სუბრაჰმანიამ ჯაიშანკარის მოსკოვში ვიზიტამდე რამდენიმე კვირით ადრე გაკეთდა.
  • ჯერჯერობით უცნობია, რა გადასცა ნიუ დელიმ მოსკოვს.