ახალი ამბები On.ge

დენის შმიგალი

12 Oct. 2022, 20:31

მადლობელი ვართ ყველა უკრაინელის, ვინც შეგნებულად შეამცირა ელექტროენერგიის მოხმარება გუშინ და გუშინწინ. მთლიანობაში დანაზოგი 10% იყო. ასევე, მადლობას ვუხდით მერებს, მუნიციპალიტეტების თავმჯდომარეებს, რომლებმაც აიღეს პასუხისმგებლობა მუნიციპალიტეტებში ელექტროენერგიის მოხმარების შემცირებაზე.

იმისათვის, რომ თავიდან ავიცილოთ დაგეგმილი გათიშვები, უკრაინაში ელექტროენერგიის მოხმარება 17:00 საათიდან საღამოს 22:00 საათამდე 25%-ით უნდა შევამციროთ. 

ამიტომ, ვთხოვთ ბიზნესს, შეუერთდნენ ცნობიერ მოხმარებას და მითითებულ პერიოდში, გამორთონ გარე ელექტრო რეკლამა და სხვა ენერგოხარჯვადი მოწყობილობები. ასეთი პასუხისმგებელი მიდგომა საშუალებას გვაძლევს მინიმუმამდე დავიყვანოთ გამორთვის გრაფიკის გამოყენება.

კიდევ ერთხელ მოვუწოდებთ ყველას, მოემზადონ ზამთრისთვის. სასურველია, ყველა ოჯახს ჰქონდეს საჭირო ძირითადი ნივთების მარაგი: თბილი ტანსაცმელი, სანთლები, ფანრები, ელემენტები. მნიშვნელოვანია მომზადება იმ შემთხვევისთვის, თუ მასიური სარაკეტო თავდასხმის შედეგად სინათლე ან სითბო გაითიშება.

განაცხადა უკრაინის პრემიერმინისტრმა. 10 ოქტომბერს რუსების მასიურმა სარაკეტო შეტევამ მნიშვნელოვნად დააზიანა კრიტიკული ინფრასტრუქტურის ობიექტები. დაბომბილი ქალაქებისა და რეგიონების ნაწილი ელექტროენერგიის გარეშე დარჩა.

0 0

კომენტარები

კვირის ტოპ-5

  1. ბსუ-ის პროფესორის საქმეზე შსს-მ გამოძიება ძალადობის მუხლით დაიწყო
  2. 15 წლის ბიჭი, რომელსაც თბილისში ეძებდნენ, გარდაცვლილი იპოვეს
  3. რის სანაცვლოდ შეაფერხა სენატორმა სტივ ნიკანდროსმა "მეგობარი აქტი?"
  4. თუ პირის შემოსავალი 1 250 ლარია, ოჯახი სოციალურად დაუცველის სტატუსს დაკარგავს — ცვლილება კანონში
  5. "გახდა აგრესიული და განახორციელა თავდასხმა პოლიციელზე — ქვით დაუზიანა ჯანმრთელობა" — ალექსანდრე დარახველიძე გორის ინციდენტზე

გირჩევთ

ახლა კითხულობენ