ამის შესახებ ინფორმაციას რუსეთის სახელმწიფო მედია TASS ავრცელებს.

რატომ არის მნიშვნელოვანი: როგორც Guardian წერს, მოსკოვს ახლა ესმის, რომ მისი არმია უკრაინაში კოლაფსის საფრთხის წინაშეა.

  • ასევე, ამბობენ, რომ სუროვიკინის დანიშვნით, კრემლი შესაძლოა იმ ნაციონალისტურ კრიტიკასთან ბრძოლას ცდილობს, რომელიც რუსეთის არმიას უკრაინის ომის არასწორ წარმართვაში ადანაშაულებენ.

ვინ არის სუროვიკინი: მისი სამხედრო კარიერა 1983 წლიდან იწყება. 2017 წელს რუსეთის საჰაერო კოსმოსური ძალების მთავარსარდლად დაინიშნა, ხოლო გასულ წელს არმიის გენერლად დააწინაურეს.

  • მონაწილეობდა რუსეთის ოპერაციებში სირიაში. იქ ყოფნის დროს კი რუსეთის ფედერაციის გმირის წოდება მიენიჭა.
  • თებერვალში, რუსეთის უკრაინაში შეჭრის შემდეგ ის ევროკავშირის სანქცირებულთა სიაში მოხვდა. ომის დაწყების დროს კი საჰაერო ძალების მეთაური იყო.

ბრიტანეთის დაზვევრვა მიუთითებს, რომ სუროვიკინის კარიერა 30 წლის განმავლობაში კორუფციის და სისასტიკის შესახებ ბრალდებებით, თუმცა ითვლება, რომ მან გენერლად დანიშვნის შემდეგ მან რუსული ძალების ეფექტურობა გააუმჯობესა.

  • სუროვიკინის ამ თანამდებობაზე დანიშნვნას მიესალმა ვაგნერის დაჯგუფების ხელმძღვანელი, ევგენი პრიგოჟინი და თქვა, რომ ის "რუსეთის არმიაში ყველაზე ძლიერი მეთაურია".

დეტალები: TASS წერს, რომ ის ახალ მეთაურად რუსეთის თავდაცვის მინისტრმა, სერგეი შოიგუმ დანიშნა.

  • უწყებამ განაცხადა, რომ შოიგუმ გენერალი სუროვნიკი უკრაინაში რუსეთის "ჯართა გაერთიანებული დაჯგუფების" მეთაურად დაამტკიცა.