სოციალურ ქსელებში ვრცელდება ვიდეო და ფოტომასალა, რომელზეც ჩანს ხანძარი და ჩამონგრეული ნაწილებიც.

რატომ არის მნიშვნელოვანი: ხიდი ოკუპირებულ ყირიმს რუსეთის სატრანსპორტო ქსელთან აკავშირებს. ის 2018 წელს, ანექსიის გამოცხადებიდან 4 წლის შემდეგ გაიხსნა.

  • ოკუპირებულ ნახევარკუნძულს რუსეთი სამხედრო ტექნიკის გადასატანად იყენებს.

დეტალები: ჯერჯერობით დაუზუსტებელია, რამ გამოიწვია ცეცხლი და ხიდის ნაწილის ჩამონგრევა.

  • რუსული სამთავრობო მედია წერს, რომ ხიდზე სატვირთო მატარებელზე მიმაგრებულ საწვავის ავზს ცეცხლი გაუჩნდა.
  • სოციალურ ქსელში აფეთქების დროს გადაღებული კადრები ვრცელდება.

კადრებში ჩანს, როგორ იწვის ხიდზე მატარებელი, ასევე დაზიანებულია საავტომობილო გზის ნაწილიც.

  • კრემლის მედია რია წერს, რომ ყირიმის ხიდზე ხანძარი ლიკვიდირებულია და ამ დროისთვის ღია წვა არ არის.

უკრაინის პრეზიდენტის ადმინისტრაციის უფროსის მრჩეველი მიხეილო პოდოლიაკი წერს, რომ ყირიმის ხიდი დასაწყისია.

  • "ყველაფერი უკანონო უნდა განადგურდეს, მოპარული უნდა დაუბრუნდეს უკრაინას, ყველაფერი, რაც რუსეთის მიერ არის ოკუპირებული, უნდა გათავისუფლდეს".
  • ეროვნული უსაფრთხოებისა და თავდაცვის საბჭოს მდივანი, ოლექსი დანილოვი ყირიმის ხიდზე აფეთქების ვიდეოსთან ერთად მერლინ მონროს შესრულებით სიმღერასაც აქვეყნებს: Happy Birthday, Mr. President.