უკრაინის პრეზიდენტმა ყოველდღიურ ვიდეომიმართვაში განაცხადა, რომ შესაბამის განკარგულებას მოაწერა ხელი.

რატომ არის მნიშვნელოვანი: ჩრდილოეთის ტერიტორიები იაპონიასა და რუსეთს შორის სადავოა — ეს საკითხი წლების განმავლობაში იყო მოლაპარაკებისა და დაპისრისპირების საგანი.

  • ურთიერთობები განსაკუთრებით უკრაინაში შეჭრის შემდეგ დაიძაბა, როცა იაპონიამ რუსეთს სანქციები დაუწესა — მაშინ რუსეთმა განაცხადა, რომ აღარ აპირებს იაპონიასთან მოლაპარაკებების გაგრძელებას კურილიის კუნძულებზე.
  • აპრილში იაპონიამ ოთხ სადავო კუნძულს "რუსეთის მიერ უკანონოდ ოკუპირებული" უწოდა — ეს იყო პირველი შემთხვევა თითქმის 20 წლის განმავლობაში, როდესაც ქვეყანამ სადაო ტერიტორიაზე მსგავსი ტერმინი გამოიყენა.

დეტალები: ვოლოდიმირ ზელენსკი აცხადებს, რომ ისტორიული, სამართლიანი და იურიდიულად სრულყოფილი გადაწყვეტილება მიიღეს და დაადასტურეს იაპონიის სუვერენიტეტისა და ტერიტორიული მთლიანობის პატივისცემა, "ჩრდილოეთ ტერიტორიების ჩათვლით, რომლებიც ჯერ კიდევ რუსეთის ოკუპაციის ქვეშაა".

  • თავდაპირველად შესაბამისი განკარგულება უმაღლესმა რადამ მიიღო, პრეზიდენტმა კი დაადასტურა.
  • "რუსეთს არ აქვს უფლება ამ ტერიტორიებზე. ეს მსოფლიოში ყველამ კარგად იცის. ბოლოს და ბოლოს უნდა ვიმოქმედოთ", — ამბობს ზელენსკი მიმართვაში.
  • "აუცილებელია, რუსული ოკუპაციისგან განთავისუფლდეს ყველა ის მიწა, რომლის შენარჩუნებასაც ოკუპანტები ცდილობენ. მხოლოდ ამ გზით შეგვიძლია დავუბრუნოთ საერთაშორისო სამართალს სრული ძალა", — განმარტავს პრეზიდენტი.