სახელმწიფო უსაფრთხოების სამსახურის განცხადებით, ის ახლა ცენტრალური ხელისუფლების მიერ კონტროლირებად ტერიტორიაზე იმყოფება.

რატომ არის მნიშვნელოვანი: ლევან მაჩაბელი რუსეთის საოკუპაციო ძალებმა მიმდინარე წლის 26 მარტს უკანონოდ დააკავეს და ამ დრომდე პატიმრობაში იმყოფებოდა.

დეტალები: სუს-ის ცნობით, გათავისუფლების საკითხი რეგულარულად განიხილებოდა ინციდენტების პრევენციისა და მათზე რეაგირების მექანიზმის (IPRM) ფორმატში.

  • ხოლო ინფორმაცია მუდმივ რეჟიმში მიეწოდებოდა ჟენევის საერთაშორისო დისკუსიების თანათავმჯდომარეებს და საერთაშორისო პარტნიორებს.
  • მათივე თქმით, აქტიურად მუშაობენ უკანონოდ დაკავებული საქართველოს სხვა მოქალაქეების გასათავისუფლებლად.

საოკუპაციო რეჟიმი წლებია არღვევს საქართველოს მოქალაქეების უფლებებს, უკანონოდ აკავებს და იტაცებს მათ. იყო არასათანადო მოპყრობისა და ძალადობის ფაქტებიც.

  • გრძელდება მცოცავი ოკუპაცია — სამხედროები ხშირად საკუთარ ეზოებსა და ბაღებში უვლებენ მოქალაქეებს ე.წ. საზღვარს.
  • სუს საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ დესტრუქციულ ქმედებებზე სრულ პასუხისმგებლობას საოკუპაციო ძალას აკისრებს.