უკრაინის უსაფრთხოების სამსახურის (SBU) განცხადებით, დაკავებულები თავდაცვის მინისტრის გარდა, თავდაცვის სამინისტროს მთავარი სადაზვერვო სამმართველოს უფროსის, კირილ ბუდანოვის, მკვლელობასაც გეგმავდნენ.

რატომ არის მნიშვნელოვანი: SBU აცხადებს, რომ დაკავებულები რუსეთის სპეცსამსახურების თანამშრომლები არიან.

  • აცხადებენ, რომ სამართალდამცავებმა გაანეიტრალეს რუსეთის ფედერაციის შეიარაღებული ძალების გენერალური შტაბის მთავარი სამმართველოს (ГРУ) დივერსიულ-სადაზვერვო ჯგუფი.
  • "დამკვეთები შემსრულებლებს 100-დან 150 ათას დოლარამდე ფულად ჯილდოს დაპირდნენ".

დეტალები: SBU ტელეგრამზე წერს, რომ ჯგუფი შეიქმნა რუსეთის ფედერაციის სამხედრო დაზვერვის თანამშრომლების მიერ უკრაინის ტერიტორიაზე დივერსიული საქმიანობის განსახორციელებლად.

  • უკრაინის დაზვერვის თანახმად, ჯგუფში შედიოდა ოკუპირებული ლუგანსკის მკვიდრი, რომელსაც ევალებოდა მოეძებნა შემსრულებელი შეკვეთილი მკვლელობებისთვის.
  • "მის "შემოთავაზებას" კიევის მკვიდრი გამოეხმაურა 5 ათას დოლარად".

უკრაინის უსაფრთხოების სამსახურის განცხადებით, ჩხრეკისას აღმოაჩინეს დანაშაულებრივი ქმედების მტკიცებულებები, ასევე რუსეთის ფედერაციის მოქალაქის პასპორტი.

  • ამ დროისთვის ორივე დაკავებულს ბრალად ედება საომარი მდგომარეობის ღალატი და განზრახ მკვლელობა.
  • აცხადებენ, რომ მიმდინარეობს ღონისძიებები დივერსიული საქმიანობის რუსი კოორდინატორების პასუხისგებაში მიცემის მიზნით, რომლებიც ამჟამად იმალებიან რუსეთის ფედერაციაში.

ვასილ მალიუკი, უსაფრთხოების სამსახურის უფროსი ამბობს, რომ მტერი ვერ გაიმარჯვებს ბრძოლის ველზე, ამიტომ ის მიმართავს თავის ჩვეულ მეთოდებს.

  • "კიდევ ერთხელ უმტკიცებს მთელ მსოფლიოს, რომ რუსეთი არის ტერორისტული სახელმწიფო, რომელიც არ იცავს არანაირ ცივილიზებულ წესებს".