პრეზიდენტის მიერ კონკურსთან დაკავშირებით მიღებული გადაწყვეტილების მიუხედავად, საარჩევნო ადმინისტრაცია და მისი თავმჯდომარე, კანონის შესაბამისად, ჩვეულ რეჟიმში განაგრძობს მუშაობას.

რატომ არის მნიშვნელოვანი: პრეზიდენტმა ცესკოს თავმჯდომარისა და წევრის ერთ თანამდებობაზე კანდიდატები პარლამენტს 5 აგვისტოს წარუდგინა, მათ შორის კი გიორგი კალანდარიშვილი არაა.

• კალანდარიშვილი 2 ვადით, 6-6 თვე, იკავებდა ცესკოს თავმჯდომარის თანამდებობას.

პრეზიდენტის ადმინისტრაციაში ამბობენ, რომ კალანდარიშვილის კანდიდატურის არწარდგენა მისი პროფესიონალიზმის, გამოცდილებისა და საქმიანობის პრეზიდენტის მიერ არაჯეროვნად შეფასებას "კატეგორიულად გამორიცხავს".

• წერენ, რომ კალანდარიშვილის კანდიდატურა ზურაბიშვილმა პარლამენტს ორჯერ წარუდგინა, თუმცა მან ვერც ერთხელ ვერ მოიპოვა ხმების საჭირო რაოდენობა.

პასუხად ცესკოში ამბობენ, რომ კონკურსთან დაკავშირებით პრეზიდენტის მიერ გაკეთებული განმარტება მიუთითებს იმაზე, რომ გადაწყვეტილების მიღებისას მან პოლიტიკური მოტივებით იხელმძღვანელა.

• მათივე შეფასებით, პრეზიდენტის გადაწყვეტილება პოლიტიკური ინსინუაციების მიზეზი გახდა.
• აღვნიშნავენ, რომ საარჩევნო ადმინისტრაცია არის დამოუკიდებელი ორგანო, რომელიც მუშაობს დემოკრატიული პრინციპების დაცვით, მაღალი პროფესიული სტანდარტით და გამჭვირვალედ.
• "სამწუხაროა, რომ ამ ინსტიტუციის და მისი წარმომადგენლების საქმიანობის შეფასება არა ობიექტური კრიტერიუმებით, არამედ პოლიტიკური მოტივებით ხდება".

ცესკოს განცხადებით, პრეზიდენტის მიერ პარლამენტისთვის წარდგენილ კანდიდატებს შორის კვლავ არიან საარჩევნო ადმინისტრაციის წარმომადგენლები.

• წერენ, რომ პრეზიდენტი ეჭვქვეშ არ აყენებს ცესკოს მოქმედი თავმჯდომარის პროფესიონალიზმს, ასევე აფასებს მის გამოცდილებას და საქმიანობას.
• თუმცა ამავდროულად აღნიშნავენ, რომ მისი გადაწყვეტილების მიზანი, როგორც ცესკოს თავმჯდომარის, ისე წევრების შემთხვევაში, იყო საკონკურსო თანამდებობებზე უფრო ფართო პოლიტიკური კონსენსუსით შერჩეული კანდიდატურების გამოვლენა.
• "ეს არსებულ პოლიტიკურ ვითარებაში, როცა კანდიდატების მიმართ აბსოლუტურად უსაფუძვლო ბრალდებებით მათი დისკრედიტაცია ხდება, საკმაოდ რთულად მისაღწევია".

პარლამენტის თავმჯდომარე: პაპუაშვილი ამბობს, რომ ცესკოს მოქმედ თავმჯდომარეს ჰქონდა მრავალპარტიული მხარდაჭერა პარლამენტში.

• შალვა პაპუაშვილის თქმით, პრეზიდენტმა თავისი ადაწყვეტილებით, კალანდარიშვილის წინააღმდეგ დისკრედიტაციულ კამპანიას შეუწყო ხელი.
• მისივე შეფასებით ეს სამწუხარო სიგნალია სხვა საჯარო მოხელეებისთვის.

რაც შეეხება საპროცედურო საკითხთა და წესების კომიტეტის თავმჯდომარეს, ისიც ფიქრობს, რომ პრეზიდენტის გადაწყვეტილება "პოლიტიკური პოზიციის გამოჩენაა". ირაკლი ქადაგიშვილის აზრით, ზურაბიშვლის არ ევალება "პოლიტიკური პოზიციის გამოხატვა".

• "ვფიქრობთ, რომ ალბათ, ჩვენც გვექნება ჩვენი ხედვა ამასთან დაკავშირებით და არ დავუჭერთ ამ არამოტივირებულ, ობიექტურად არამოტივირებულ პრეზიდენტის გადაწყვეტილებას მხარს".