ისრაელში საქართველოს საელჩო ქვეყანაში მყოფ საქართველოს მოქალაქეებს აფრთხილებს, 6 აგვისტოს 20:00 საათამდე იმოქმედებს შეზღუდვები.

რატომ არის მნიშვნელოვანი: ისრაელში სიტუაცია დაძაბულია. 5 ივლისს ისრაელის არმიამ სამხედრო ოპერაციის დროს ღაზას სექტორში დაჯგუფება ისლამური ჯიჰადის ერთ-ერთი ლიდერი მოკლა.

  • რის შემდეგაც ღაზას სექტორიდან ისრაელის მიმართულებით 100-მდე რაკეტა გაისროლეს. როგორც ისრაელის თავდაცვის ძალები აცხადებენ, უმრავლესობა რკინის გუმბათმა გაანეიტრალა.
  • ისრაელის არმიამ ღაზას სექტორში დაჯგუფება ისლამური ჯიჰადის ობიექტებზე ფართომასშტაბიანი საჰაერო დარტყმები დაიწყო.

საელჩო ღაზას სექტორთან 80 კმ-ის რადიუსში მცხოვრებ საქართველოს მოქალაქეებს აფრთხილებს, რომ ნებადართულია ღონისძიებები და შეკრებები არა უმეტეს 10 ადამიანისა ღია სივრცეში და არა უმეტეს 50 ადამიანისა დახურულ სივრცეში.

  • საელჩოს თქმით, არ მიმდინარეობს სასწავლო პროცესი სამუშაო ადგილებზე ყოფნა კი მხოლოდ იმ დაწესებულებებშია ნებადართული, სადაც თავშესაფრებია.

უსაფრთხოების იგივე ნორმები მოქმედებს ცენტრალურ და დასავლეთ ნეგევის მიმდებარედ მცხოვრებთათვის. საელჩოს განმარტებით, განსხვავდება მხოლოდ დახურულ სივრცეში შეკრების პირობა — ნებადართულია 100 ადამიანი.

  • მათივე თქმით, შეცვლილია აფრენის და დაფრენის გრაფიკი ბენ-გურიონის საერთაშორისო აეროპორტში.
  • ასევე, საჯარო თავშესაფრები გახსნილია ისრაელის სამხრეთით მდებარე ქალაქებში — აშდოდი, შდეროთი, ბერშევა და ასევე, რამდენიმე ცენტრალურ ქალაქში.
  • "გთხოვთ, გაითვალისწინოთ და დაიცვათ აღნიშნული უსაფრთხოების ნორმები", — წერია განცხადებაში.