იურიდიულ საკითხთა კომიტეტმა ევროკავშირის 12 პირობის შესასრულებლად კიდევ 4 სამუშაო ჯგუფი შექმნა.

რატომ არის მნიშვნელოვანი: ევროკავშირის 12-პუნქტიანი გეგმა დეოლიგარქიზაციასაც მოიცავს, რეკომენდაციების შესასრულებლად კი ხელისუფლებას 6-თვიანი ვადა აქვს.

  • ოხანაშვილი ერთ-ერთია ქართული ოცნების იმ წევრებს შორის, რომელიც ბიძინა ივანიშვილის ოლიგარქობას არ აღიარებს.

დეტალები: ოხანაშვილი კიდევ 3 სამუშაო ჯგუფს, კერძოდ, სასამართლო რეფორმის, ანტიკორუფციული ღონისძიებების და სპეციალური საგამოძიებო სამსახურისა და პერსონალურ მონაცემთა დაცვის სამსახურის შემდგომი ინსტიტუციური გაძლიერების სამუშაო ჯგუფებს უხელმძღვანელებს.

  • რაც შეეხება, საქართველოს საარჩევნო კოდექსის გადასინჯვის სამუშაო ჯგუფს, მისი ხელმძღვანელი ფრაქცია ქართული ოცნების თავმჯდომარის პირველი მოადგილე, გივი მიქანაძე იქნება.

ოხანაშვილი ამბობს, რომ ევროკავშირის ყველა პუნქტთან დაკავშირებით პარტიებთან შეხვედრები გამართეს და ისინი პროცესის წარმართვაზე ინფორმირებულები არიან.

  • "რაც შეეხება სხვა პოლიტიკურ ჯგუფებს, ოპონენტები ვინც ამ პროცესის საწინააღმდეგოდ მოქმედებენ, ისინი პირდაპირ ეწინააღმდეგებიან პირველ პუნქტს, რასაც ჰქვია დეპოლარიზაცია".
  • ასევე, საპარლამენტო ოპოზიციიდან სამუშაო ჯგუფების საქმიანობაში მონაწილეობას მოქალაქეების, ევროპელი სოციალისტების, გირჩის წარმომადგენლები და უფრაქციო დეპუტატები მიიღებენ.

გარდა ამისა, ოხანაშვილმა თქვა, რომ პრეზიდენტის წარმომადგენლები სურვილის შესაბამისად, მონიტორინგს გაუწევენ სამუშაო ჯგუფების საქმიანობას მონიტორინგს გაუწევენ.

  • დასძენს იმასაც, რომ სურვილის შემთხვევაში, მონიტორინგის შესაძლებლობა ექნებათ საერთაშორისო ორგანიზაციებს, მათ შორის აშშ-ის საელჩოსა და ევროპის საბჭოს წარმომადგენლებს.