ნიდერლანდული მედიის ინფორმაციით, 31 წლის ქართველ კაცს 5 თვით თავისუფლების აღკვეთა მიესაჯა.

რატომ არის მნიშვნელოვანი: ეს ნიდერლანდებში ნემსით ადამიანის ორგანიზმში სხვადასხვა ნივთიერების უნებართვოდ შეყვანის შემთხვევაზე პირველი სასამართლო პროცესია.

  • გამოძიების შედეგად აღმოჩნდა, რომ შპრიცი კოკაინს და ჰეროინსაც შეიცავდა.

დეტალები: სასამართლომ დადასტურებულად მიიჩნია, რომ კაცმა გასულ თვეს ჰააგაში გამართულ ფესტივალზე ქალს ნივთიერება გაუკეთა, რის გამოც მას თავბრუსხვევა და უსიამოვნო შეგრძნება დაეწყო.

  • ინციდენტი 18 ივნისს ზუიდერპარკში ჰააგის გარე ცეკვის ფესტივალზე მოხდა და ის შემთხვევის ადგილას დააკავეს.
  • რამდენიმე მოწმემ დაინახა, რომ დამნაშავემ არაერთ ადამიანს გაუკეთა ნემსი, თუმცა მას ერთ შემთხვევაზე ასამართლებენ.
  • საავადმყოფოში მედიკოსებმა ქალის ფეხზე აღმოაჩინეს წითელი წერტილი, რომელიც მათი თქმით, ნანემსარია.

ბრალდებულმა აღიარა, რომ თან ჰქონდა ნემსი, მაგრამ ადამიანებზე თავდასხმა უარყო.

  • მისი თქმით, კბილის ტკივილი აწუხებდა და ნემსი სწორედ ამისთვის სჭირდებოდა.