უკრაინის პრეზიდენტის, ვოლოდიმირ ზელენსკის განცხადებით, უკრაინამ ომის დაწყებიდან დღემდე 3 000-მდე სამხედრო დაკარგა, დაახლოებით, 10 000-ს კი დაზიანებები აქვს მიყენებული. ინფორმაციას NYT ავრცელებს.

ზელენსკიმ აღნიშნა, რომ ბევრად მაღალია რუსი ოკუპანტების დანაკარგები. უკრაინის მონაცემებით, ეს რიცხვი 20 000-ს შეადგენს, თუმცა 25 მარტს კრემლმა განაცხადა, რომ მათ მხოლოდ 1 351 სამხედრო დაეღუპათ.

ზელენსკიმ ბირთვული იარაღის საფრთხეზეც ისაუბრა. მისი თქმით, არა მხოლოდ უკრაინა, არამედ მსოფლიო უნდა იყოს მზად შესაძლებლობისთვის, რომ პუტინმა, შესაძლოა, ის გამოიყენოს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში