ევროკავშირი აცხადებს, რომ ომის დანაშაულებისა და მასზე პასუხისმგებელი ხელისუფლების წარმომადგენლები პასუხისგებაში მიეცემიან. როგორც განცხადებაში ვკითხულობთ, ქალაქ ბუჩასა და უკრაინის სხვა ქალაქებში მომხდარი ხოცვა-ჟლეტა ევროპის მიწაზე ჩადენილი სისასტიკეების სიაში ჩაიწერება.

"ომის დანაშაულებისა და სხვა სერიოზული დარღვევების ჩამდენი, ასევე მასზე პასუხისმგებელი ხელისუფლების წარმომადგენლები და სამხედრო ლიდერები პასუხისგებაში მიეცემიან. ევროკავშირი მხარს უჭერს ყველა ზომის მიღებას, რომელიც რუსეთის შეიარაღებული ძალების მიერ უკრაინაში ადამიანის უფლებების დარღვევისა და საერთაშორისო ჰუმანიტარული სამართლის დარღვევისთვის პასუხისმგებლობას უზრუნველყოფს", — ვკითხყლობთ განცხადებაში.

ამასთანავე, ევროკავშირი აცხადებს, რომ სრულად უჭერს მხარ სისხლის სამართლის საერთაშორისო სასამართლოს (ICC) პროკურორის მიერ უკრაინაში ჩადენილი ომის დანაშაულებისა და კაცობრიობის წინაშე ჩადენილი დანაშაულების შესახებ დაწყებულ გამოეძიებას, ისევე როგორც OHCHR-ის საგამოძიებო კომისიის მუშაობას. მათი თქმით, ევროკავშირი ეხმარება უკრაინის გენერალურ პროკურორსა და სამოქალაქო საზოგადოებას ომის დანაშაულების მტკიცებულებების შეგროვებასა და შენარჩუნებაში.