რუსული კრიტიკული მედია, ნოვაია გაზეტა როსკომნადზორის მეორე გაფრთხილების შემდეგ "უკრაინის ტერიტორიაზე სპეცოპერაციის" დასრულებამდე მუშაობას წყვეტს. ამის შესახებ ინფორმაცია მედიამ საკუთარ ვებგვერდზე გამოაქვეყნა.

"არ ვიცით რატომ, ჯერ პირველი გაფრთხილებაც კი არ მიგვიღია, ამიტომ არც ფორმულირება ვიცით. მათ ისევ გაგზავნეს შეტყობინებები მედიის გაფრთხილებაზე, ჩვენ კი არაფერი გამოგვიგზავნეს, ხელში არაფერი მოუციათ", — განაცხადა ნოვაია გაზეტას პრესმდივანმა ნადეჟდა პრუსენკოვამ BBC-ის ცნობით.

ცნობისთვის, ნოვაია გაზეტას მთავარმა რედაქტორმა, დიმიტრი მურატოვმა გასულ წელს მშვიდობის დარგში ნობელის პრემია მიიღო. რამდენიმე დღის წინ მან განაცხადა, რომ აპირებდა თავისი ნობელის პრემიის მედლის აუქციონზე გაყიდვას და მიღებული თანხის გადარიცხვას უკრაინელი ლტოლვილების დასახმარებელ ფონდში.