ჩილეს დასავლეთ სანაპიროზე ძლიერი მიწისძვრა მოხდა, რომელიც იგრძნობოდა დედაქალაქ სანტიაგოშიც. როიტერსის ინფორმაციით, მიწისძვრა 6,9 მაგნიტუდის სიმძლავრის იყო, თუმცა მნიშვნელოვანი ზიანი არ გამოუწვევია.

მიწისძვრის განმავლობაში, 24 აპრილს, ორშაბათს, სამუშაო დღის დასასრულს, სანტიაგოს შენობები 30 წამის განმავლობაში ზანზარებდნენ.

ორი განმეორებითი ბიძგის სიმძლავრე 5 მაგნიტუდას აჭარბებდა. ჩილეს ხელისუფლებამ, პრევენციის მიზნით, სანაპირო ზოლის მოსახლეობის ევაკუაცია გამოაცხადა.